Íslendingar eru að verða aumingjar

Þeir eru hraustir Strandamennirnir og bræðurnir Guðjón og Benjamín Kristinssynir.
Þeir eru hraustir Strandamennirnir og bræðurnir Guðjón og Benjamín Kristinssynir. Golli / Kjartan Þorbjörnsson

Þeir eru hraustir Strandamennirnir og bræðurnir Guðjón og Benjamín Kristinssynir. Þeim líkar illa að kunnátta og verkmenning hvers konar sé að hverfa, til dæmis hleðslukunnátta. Þeir hlaða nú vegg þar sem hver steinn vegur frá 30 til 120 kílóum. Og þeir kunna að segja sögur. Og bæta vel í þær.

Hleðslukunnáttan liggur í ættinni. Barna-Jónas, langalangalangafi okkar, hlóð utan um sig fangelsi hér í Reykjavík á sínum tíma. Hann vann við að hlaða Stjórnarráðshúsið, sem áður þjónaði sem tugthús, en hann var dæmdur fyrir að stela tveimur rollum. Því var klínt á hann að ósekju. Hann var uppreisnarmaður eins og sönnum Strandamanni sæmir og gerðist lífvörður Jörundar hundadagakonungs.“ Þannig byrjar hún sögustundin með þeim bræðrum Guðjóni og Benjamín Kristinssonum frá Dröngum á Ströndum, þar sem ég kem til fundar við þá á túninu við Höfða í Reykjavík, en þar strita þeir við að hlaða vegg.

Einhverjum durgum smalað saman til að hlaða vegginn

„Við erum að hlaða upp vegg sem var illa farinn og að mestu hruninn. Það getur verið að hann hafi verið hluti af gömlum sjóvarnargarði, við vitum það þó ekki. Veggurinn hefur líklega verið upphaflega byggður um eða fyrir aldamótin 1900 en þegar hann hrundi um 1960 var einhverjum durgum smalað saman til að hlaða hann aftur og þeir hafa af einhverjum ástæðum haft vegginn óvenjulegan, vegna þess að grófa og ójafna hliðin snýr inn en sú slétta út. Páll Ingólfur Arnarson, sem stjórnar verkinu, vildi hafa þetta áfram svona svo við gerum þetta eins og durgarnir gerðu. Ég veit ekki til að nokkur annar veggur í borginni sé með þessu lagi; fallega sléttur og skorinn að utan en náttúrulegur eins og fjallsskriða að innan,“ segir Guðjón og bætir við að fyrir vikið sé veggurinn stórmerkilegur skúlptúr. Auk þess séu garður og fornminjar undir veggnum.

„Sá hefur sennilega verið hlaðinn af landnámsmanninum afa hans Páls Ingólfs Arnarsonar, sem ég nefndi áðan og er verkefnisstjóri hjá Reykjavíkurborg,“ segir hann gáskafullur og lítur til Páls, sem er einmitt kominn til að heilsa upp á þá bræður.

Faldi vínið of vel fyrir konunni og fann það ekki sjálfur

Steinarnir í veggnum eru þungir, frá 30-120 kíló hver, og veggurinn er um 25 metra langur og einn og tuttugu á hæð. Þeir hleðsubræður hafa unnið við að hlaða vegginn í mánuð en eiga ekki mikið eftir. „Þetta er helvítis strit, því er ekki að neita.“ Guðjón segir að þeir hafi fundið eldgömul flöskubrot undir veggnum þegar þeir fóru að hreyfa við grjótinu. „Við höldum að það sé eftir sterka Strandamenn sem hafa verið fengnir í hleðsluverkið, því það voru eintómir aumingjar hér fyrir sunnan,“ segja þeir og skellihlæja. Og þá kemur sagan af Húnvetningnum á Hvammstanga sem faldi svo vel vínið fyrir konunni sinni að hann fann það ekki sjálfur. „Löngu seinna, þegar hann var dauður og úldinn og nýtt fólk búið að kaupa húsið, fundust nokkrar fullar flöskur á milli þilja þegar unnið var við þakviðgerðir.“

Vélvæðing fitar bændur

Og þær flæða fram sögurnar, með mátulegum skreytingum sem ekki er hægt að hafa eftir. Ein er sagan af kirkjunni sem var stolið: „Norskur karl gaf kirkju á Hesteyri á sínum tíma, honum fannst fólk víst hlúa illa að kristninni þar. En Súðvíkingar stálu síðan þessari kirkju eftir að Hesteyringar fóru, þeim fannst ómögulegt að kirkjan stæði þar ónotuð. Það varð allt vitlaust, en hún stendur enn í Súðavík.“ Og upp kemur umræða um hvernig landinn sé að verða. „Íslendingar eru að verða aumingjar, þeir hanga í tölvum alla daga. Þeir eru að hverfa frá gömlum verkum og kunnáttu. Örfáir kunna þá verkmenningu sem felst til dæmis í vegghleðslum og alls konar störfum til sjós eða í landbúnaði. Bændur eru orðnir svo vélvæddir að þeir verða feitir og vögusíðir og geta vart velt heyrúllu. Ef þeir hlaupa upp brekku slá þeir ístrunni undir hökuna,“ segja þeir og skellihlæja. Vert er að taka fram að allt er þetta í gamni sagt til þess að gleðja blaðamann.

Kerling með nef eins og baugspjót á skútu

Þegar kemur að kveðjustund tökum við svolítið í nefið og þá kemur saga af kerlingu sem tók rosalega mikið í nefið: „Hún var með ofboðslegt nef, það var eins og baugspjót á seglskútu. Hún var vön að fá íslenskt tóbak en hrekkjalómur barnabarn hennar gaf henni mentoltóbak og hún saug það upp í nefið í stórum skammti, augun urðu tárfull og hún varð fyrst rauð en síðan blá sem hel, svitinn spratt út og hún saup hveljur. En hún lifði það af. Og ekki var hakan á henni minni en nefið. Þegar hún var orðin tannlaus að mestu og fékk að naga ógeðslegt síðurif úr belju læstust nef og haka utan um rifið sem stóð út til beggja hliða. Það var mikilfengleg sjón.“

Þeir eru hraustir Strandamennirnir og bræðurnir Guðjón og Benjamín Kristinssynir.
Þeir eru hraustir Strandamennirnir og bræðurnir Guðjón og Benjamín Kristinssynir. Golli / Kjartan Þorbjörnsson
Vegghleðslumenn að störfum
Vegghleðslumenn að störfum Golli / Kjartan Þorbjörnsson

Bloggað um fréttina

Innlent »

WOW nýtir eldsneyti betur en Icelandair

Í gær, 22:59 Samkvæmt niðurstöðum nýrrar könnunar á vegum samtakanna ICCT þar sem lagt var mat á hvaða flugfélög nýta þotueldsneytið best miðað við fjölda farþega og fluglengd, í flugi á milli Evrópu og Norður-Ameríku, er flugfélagið WOW air öðru sæti á eftir Norwegian. En WOW er með þrettán prósent lakari nýtingu en norska flugfélagið. Meira »

Fór hringinn um Ísland á rafhjóli

Í gær, 22:46 „Ferðin og upplifunin var gríðarlega áhugaverð og einstök fyrir mig enda kem ég frá Indlandi þar sem aðstæður og veðrið er gjörólíkt. Veðrið á Íslandi er óútreiknanlegt og olli mér áhyggjum, sérstaklega vindurinn,“ segir Sushil Reddy, stofnandi Sun Pedal Ride, í samtali við mbl.is. Meira »

Ósátt við rangar fréttir af Kötlugosi

Í gær, 22:36 Eldfjallafræðingur sem gerði rannsóknir á útstreymi koltvísýring frá Kötlu, ásamt fleiri vísindamönnum, og ritaði grein um niðurstöðurnar í tímaritinu Geophysical Research Letters, er mjög ósáttur við grein um eldfjallið sem birtist í Sunday Times. Fyrirsögn greinarinnar er „Íslenskur risi að því kominn að gjósa“. Meira »

Drógu vélarvana skemmtibát í land

Í gær, 21:58 Í kvöld barst neyðarkall frá vélavana skemmtibáti í Eyjafirði og fór hópur frá björgunarsveitinni Ægi í Grenivík á staðinn. Tóku þeir bátinn í tog og drógu hann til hafnar á Svalbarðseyri þar sem honum var komið upp á land. Meira »

Spánartogararnir hverfa hver af öðrum

Í gær, 21:03 Sólbakur EA 301 lagði að bryggju í Ghent í Belgíu aðfaranótt föstudags eftir fjögurra sólarhringa siglingu frá Akureyri. Útgerðarfélag Akureyringa gerði skipið út í yfir 40 ár og bar það lengst af nafnið Kaldbakur EA 1. Meira »

Íþaka gerð upp með gömlum tólum

Í gær, 20:49 Nú standa yfir endurbætur á Íþöku, bókasafni Menntaskólans í Reykjavík. Húsið á sér langa sögu en það var byggt á árunum 1866-67 en eitthvað kunnu menn fyrir sér í að byggja á þeim tíma því húsið þykir í góðu ástandi og ekki bólar á myglu þar. Gömul verkfæri eru notuð við framkvæmdina. Meira »

8 ára fær ekki nauðsynleg gigtarlyf

Í gær, 20:47 „Ég hef ekki undan að svara landsmönnum sem vilja bjóða mér lyfin sín. Viðbrögðin hafa verið svakalega góð og það hefur ekki stoppað síðan viðtalið birtist. Þetta eru tuttugu töflur hér og þar en það er engin lausn,“ segir Sigurveig Margrét Stefánsdóttir læknir í samtali við mbl.is. Meira »

Íbúum Flateyrar fjölgar um 30 prósent

Í gær, 19:41 Rúmlega 300 manns voru viðstaddir þegar Lýðháskólinn á Flateyri var settur í fyrsta sinn í íþróttahúsi bæjarins á laugardag, að viðstöddum forseta Íslands. Af því tilefni héldu Flateyringar bæjarhátíð með tónlist, upplestri og kvikmyndasýningum auk þess sem opin hús voru víða um bæinn þar sem starfsemi stofnana og fyrirtækja var kynnt. Meira »

Sjúkdómur unga fólksins

Í gær, 18:24 Flestir þeirra sem greinast með geðrof eru ungir að árum og er geðrof oft sagt sjúkdómur unga fólksins. Með réttum stuðningi og meðferð er hægt að koma fólki út í lífið aftur og koma þannig í veg fyrir örorku þess. Þetta getur komið í veg fyrir miklar þjáningar viðkomandi og sparað háar fjárhæðir. Meira »

Forsetinn mætti á Bangsaspítalann

Í gær, 17:24 Hlúð var að veikum böngsum á Bangsaspítalanum í dag. Bangsaspítalinn, sem lýðheilsufélag læknanema stendur fyrir, er haldinn ár hvert og er krökkum boðið að koma þangað til þess að sækja læknisaðstoð fyrir bangsana sína. Auk fjölda barna og bangsa lét Guðni Th. Jóhannesson sig ekki vanta. Meira »

Gekk út með fulla kerru án þess að borga

Í gær, 17:18 Upp kom vélarbilun í tvíþekju á flugi nálægt Reykjavík rétt fyrir klukkan fimm í dag, en henni var lent á Reykjavíkurflugvelli án vandræða, að því er fram kemur í tilkynningu frá lögreglunni á höfuðborgarsvæðinu. Meira »

Framkvæmdir við Leirvogstungumel

Í gær, 16:27 Mánudaginn 24. september hefst viðgerð á brú yfir Vesturlandsveg við Leirvogstungumel og verður umferð af Vesturlandsvegi færð á hjáleið meðan á viðgerð stendur. Viðgerðin mun standa yfir í 4 daga. Þetta kemur fram í tilkynningu frá Vegagerðinni. Meira »

„Ég þorði ekki að segja nei“

Í gær, 16:15 Erna Ómarsdóttir, listrænn stjórnandi Íslenska dansflokksins, er ein þeirra sem stigið hafa fram og sakað belgíska listamanninn Jan Fabre, sem stofnaði Troubleyn-leikhúsið í Antverwerpen, um kynferðislega áreitni og óviðeigandi hegðun. Meira »

Handtekinn eftir harðan árekstur

Í gær, 15:36 Einn var handtekinn um kl. 14 í gær í Borgarnesi í kjölfar harðs árekstrar. Er hinn handtekni grunaður um akstur undir áhrifum áfengis og fíkniefna. Honum var sleppt að lokinni blóðsýnatöku en rannsókn málsins er enn í fullum gangi að sögn Jónasar Hallgríms Ottóssonar, varðstjóra hjá lögreglunni í Borgarnesi. Meira »

Fagna aukinni umferð aðkomutogara

Í gær, 14:29 Aðkomutogarar í Neskaupstað hafa landað þar tæplega 1.700 tonnum í sumar. Hafa skipin verið að veiðum úti fyrir Austfjörðum og hagkvæmara reynst að landa aflanum þar eystra. „Auðvitað fögnum við þessari auknu umferð skipa um hafnirnar, hún er afar jákvæð,“ segir Hákon Ásgrímsson, framkvæmdastjóri Fjarðabyggðarhafna. Meira »

Tækifæri í nyrstu byggðum

Í gær, 13:55 Mikil tækifæri eru fólgin í því að gera Melrakkasléttu að miðstöð norðurslóðarannsókna á Íslandi. Starfsemi Rannsóknastöðvarinnar Rifs á Raufarhöfn hefur aukist jafnt og þétt síðustu fjögur ár og skilar sínu til byggðarinnar. Um 2-300 gistinætur á Raufarhöfn í sumar voru vegna vísindamanna að störfum. Meira »

Leita að sveitarfélögum í tilraunaverkefni

Í gær, 13:03 Íbúðalánasjóður leitar nú að sveitarfélögum á landsbyggðinni til samstarfs vegna tilraunaverkefnis sem til stendur að fara í á vegum sjóðsins. Meira »

„Verið að misnota UNESCO skráninguna“

Í gær, 12:40 Samtök útivistarfélaga saka svæðisráð Vestursvæðis í Vatnajökulsþjóðgarði um misnotkun á skráningu þjóðgarðsins á heimsminjaskrá UNESCO. Deilur hafa staðið yfir í um sex ár um enduropnun Vonarskarðs fyrir bíla- og hjólaumferð en vegslóðanum var lokað í kjölfar þess að Vatnajökulsþjóðgarður var stofnaður árið 2008. Meira »

Ríkisendurskoðun ekki í Vinstri grænum

Í gær, 11:52 „Við þurfum sterkar heilbrigðisstofnanir og getum ekki svelt opinbera kerfið af því að aðrir þurfi á fé að halda,“ sagði Svandís Svavarsdóttir heilbrigðisráðherra í þættinum Sprengisandi og játaði þeirri spurningu þáttastjórnandans að sjálfstætt starfandi sérfræðingar þurfi að koma þar á eftir. Meira »
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Róleg, reglusöm, reyklaus kona óskar ef
Róleg, reglusöm, reyklaus kona óskar eftir lítilli íbúð á leigu á höfuðborgarsvæ...
Egat Standard Rafmagns - Nuddbekkur V :193.000 Tilboð:179.000 út sept
Egat Standard.Rafmagnsnuddbekkur Verð 193.000 Tilboð:179.000 út sept Olíu og V...