Útflutningstekjur af kolmunna, norsk-íslenskri síld og makríl munu dragast saman um tæpa sjö milljarða á næsta ári, ef farið verður eftir nýrri veiðiráðgjöf Alþjóðahafrannsóknaráðsins (ICES).
Þetta er mat Landssambands íslenskra útvegsmanna (LÍÚ), að því er fram kemur í fréttaskýringu um ráðgjöf ICES og hugsanleg áhrif hennar í Morgunblaðinu í dag.
Kolbeinn Árnason, framkvæmdastjóri LÍÚ, segir þennan samdrátt munu hafa afleiðingar fyrir þjóðarbúið og minnir á að samanlagt útflutningsverðmæti þessara þriggja tegunda í fyrra hafi verið 38 milljarðar. Það hafi mest farið í 77 ma. 2011.