„Lögreglan alltaf haft vopn“

Jón F. Bjartmarz, yfirlögregluþjónn hjá embætti ríkislögreglustjóra.
Jón F. Bjartmarz, yfirlögregluþjónn hjá embætti ríkislögreglustjóra. mbl.is/Júlíus

„Lögreglan hefur alltaf haft vopn og meginreglan er sú að þau eru geymd á lögreglustöðvum. Þá eru í gildi reglur frá árinu 1999 um það hvenær lögregla vopnast og er slíkt ekki gert nema brýn ástæða sé til. Það segir sig sjálft að ekki er forsvaranlegt að senda óvopnaða lögreglumenn gegn byssumönnum,“ segir Jón F. Bjartmarz, yfirlögregluþjónn hjá embætti ríkislögreglustjóra, um vopnabúnað lögreglu.

Eins og fram kom á mbl.is fyrr í dag þá greindi DV frá kaupum ríkislögreglustjóra á MP5, léttum vélbyssum. Jón segir hins vegar margt í frétt DV orðum aukið. Þannig hafi ekki verið keyptar jafn margar byssur og DV heldur fram auk þess sem það sé rangt að sérstök fjárveiting til að bæta búnað og þjálfun lögreglumanna hafi verið notuð til kaupanna. „Engin vopn hafa verið keypt fyrir þessa fjárveitingu. Vopn til lögreglunnar hafa verið keypt á undanförnum áratugum.“

Jón segir að ekki sé verið að breyta neinum reglum um vopnabúnað lögreglunnar, hvenær henni er heimilt að vopnast eða fjölga þeim tilvikum. „Það voru til hríðskotabyssur sem geymdar voru hjá lögreglunni á höfuðborgarsvæðinu, samsvarandi byssur og voru til í áratugi. Þær voru orðnar úreltar og því aflagðar fyrir nokkrum árum.“ Hann bætir við að ekki hafi tekist fyrr að kaupa aðrar þeirra í stað.

Viðbúnaðargetan óviðunandi

Þá vísar Jón í skýrslu Ögmundar Jónassonar, þáverandi innanríkisráðherra, til Alþingis frá árinu 2012 um stöðu lögreglunnar. Í henni segir: „Grunnbúnaður lögreglu til þess að takast á við sérstakar lögregluaðgerðir vegna vopnamála, hryðjuverka og annarra stórfelldra ofbeldisglæpa er mjög takmarkaður, búnaður sem til er þarfnast að mestu leyti endurnýjunar og viðbúnaðargetan er óviðunandi varðandi fyrstu viðbrögð og vegna öryggis ríkisins.“

Í sömu skýrslu segir að ríkislögreglustjóri hafi á árinu 2006 gert tillögur um nauðsynlega eflingu búnaðar og þjálfunar. „Ástand búnaðar og þjálfunarmála hefur tekið litlum breytingum til batnaðar frá þeim tíma og því er efling þessara þátt orðið brýnna mál en áður.“

Annarri skýrslu skilaði Ögmundur til Alþingis á árinu 2012 en í henni segir: „Lögreglan verður einnig að vera það öflug að hún geti tekist á við óþekktar ógnir sem koma fyrirvaralaust upp. Lögreglukerfið þarf því að vera öflugt á sviði öryggismála og sveigjanlegt svo lögreglan hafi burði til þess að bregðast fyrirvaralaust við hættum sem ekki gera boð á undan sér.“

28 skammbyssur hjá LRH

Jón segir að því sé ekki um neina eðlisbreytingu að ræða. Eins og sjá megi á skýrslum ráðherra frá árinu 2012 eru öll embætti lögreglunnar þegar búin skammbyssum, og nokkur þeirra einnig rifflum og haglabyssum. Þannig hafi lögreglan á höfuðborgarsvæðinu haft 28 skammbyssur til umráða á árinu 2012 og fimm haglabyssur. Lögreglan á Suðurnesjum hafi einnig haft yfir sjálfvirkum vopnum að ráða.

„Síðan er heldur ekki rétt að það sé búið að taka ákvörðun um að setja vopn í alla lögreglubíla. Hið rétta er að vopn eru að jafnaði geymd á lögreglustöðvum,“ segir Jón en tekur fram að einstakir lögreglustjórar á landsbyggðinni hafi á undanförnum árum tekið sjálfstæða ákvörðun um að hafa vopn í bílum. Hann bendir á að embætti lögreglunnar á landsbyggðinni geti náð yfir gríðarlega stór svæði og embættin séu fámenn.  „[Komi slík staða upp] þarf að sækja vopnin á lögreglustöð, ef menn eru ekki þar, og það getur tekið tíma. Það hefur sjálfsagt verið meginástæðan fyrir því að lögreglustjórar hafa tekið þessa ákvörðun.“

Hann segir að til skoðunar sé hjá umræddum lögreglustjórum hvort þeir vilji setja MP5 byssurnar í bílana til viðbótar við skammbyssurnar. „En það er algjörlega sjálfstæð ákvörðun þeirra og alveg ljóst að þær fara ekki í alla bíla.“

Aðspurður segir hann engin vopn að finna í bílum lögreglustjórans á höfuðborgarsvæðinu og að engin ákvörðun hafi verið tekin um að vopnbúa þá. Ástæðan sé líklega sú að sérsveit ríkislögreglustjóra er á höfuðborgarsvæðinu og viðbragðstími hennar góður.

Létt vélbyssa af tegundinni MP5.
Létt vélbyssa af tegundinni MP5. Wikipedia
mbl.is

Bloggað um fréttina

Innlent »

Festist í lyftu á Vífilsstöðum

18:03 Viðvörunarkerfið fór í gang á sjúkrahúsinu á Vífilsstöðum um hálffimmleytið í dag eftir að lyfta bilaði með manneskju þar inni. Meira »

Sparkaði í konu og lamdi með símasnúru

17:50 Maður var dæmdur í sex mánaða fangelsi í Héraðsdómi Reykjaness fyrir eignaspjöll og líkamsárás gegn sambýliskonu sinni, auk brots á nálgunarbanni. Meira »

Í farbann vegna 6 kílóa af hassi

17:34 Héraðsdómur Suðurlands úrskurðaði í dag, að kröfu lögreglustjórans á Suðurlandi, íslenskan karlmann um tvítugt í farbann til 19. desember. Meira »

Leiguíbúðum fjölgaði um 13,6%

17:26 Leiguíbúðum á vegum sveitarfélaga fjölgaði um 13,6% í Reykjavík og 10% í Kraganum á árabilinu 2012-2017. Þeim fækkaði annars á landsbyggðinni nema á Norðurlandi eystra, samkvæmt niðurstöðum könnunar Varasjóðs húsnæðismála á stöðu leiguíbúða sem sveitarfélögin reka. Meira »

Rekstur sjúkraflutninga skýrist fljótlega

17:19 Undirbúningur vegna tilfærslu sjúkraflutningareksturs úr höndum Rauða krossins er langt kominn og nokkrir aðilar tilbúnir að taka verkefnið að sér. Þetta kemur fram í skriflegu svari heilbrigðisráðherra við fyrirspurn Guðjóns S. Brjánssonar um sjúkraflutninga. Meira »

Tókust á um framlög til öryrkja

17:01 „Ég kem hér upp í ræðustól með óbragð í munni, ég fékk ekki einu sinni sólarhring til þess að fagna þessu frumvarpi,“ sagði Guðmundur Ingi Kristinsson, þingmaður Flokks fólksins, á Alþingi í dag. Tilefni ummæla hans var lækkun fyrirhugaðrar hækkunar til öryrkja. Meira »

Staðfesta verði nýtt lögheimili

16:57 Þjóðskrá hefur ákveðið að breyta verklagi við skráningu lögheimilis í tilteknum málum eftir fyrirspurn frá umboðsmanni Alþingis, en tilefni athugunar umboðsmanns var mál manns hvers lögheimili hafði verið flutt til annars lands að honum forspurðum. Meira »

Tók konu hálstaki og henti í hana flöskum

16:30 Héraðsdómur Reykjaness dæmdi í dag karlmann í níu mánaða skilorðsbundið fangelsi fyrir líkamsárásir. Maðurinn var auk þess dæmdur til að greiða 512.282 krónur í sakarkostnað en kröfu fórnarlambs árásanna um skaða- og miskabætur var vísað frá dómi. Meira »

Nýir skrifstofustjórar skipaðir

16:23 Talsverðar breytingar hafa orðið á stjórnendahópi fjármála- og efnahagsráðuneytisins. Meðal annars hafa nýir skrifstofustjórar verið skipaðir. Meira »

Nítján sagt upp hjá HB Granda

15:57 Nítján skipverjum um borð í Helgu Maríu AK, ísfisktogara HB Granda, hefur verið sagt upp. Ástæðan er óvissa innan útgerðarinnar um hvað gera skuli við skipið, en síðustu tvö ár hefur HB Grandi tekið við þremur nýjum ísfisktogurum. Meira »

Henti þvottavélinni með fötunum í

15:50 „Nærfötin mín bara virðast ekki ætla að hætta að enda með einhverju móti á enduvinnslustöðvum sorpu um alla borg,“ segir í stöðuuppfærslu Dagnýjar Daggar Bæringsdóttur unnustu Ívars Guðmundssonar útvarpsmanns á Facebook. Sönn saga hér um einkaþjálfara sem henti nærfötunum hennar með þvottavélinni. Meira »

Sakar meirihlutann um blekkingar

15:44 „Þetta er fullkominn útúrsnúningur og blekkingarleikur hjá ráðherranum. Það stendur alveg skýrum stöfum frá þessum sama ráðherra að það stendur til að lækka fyrirhugaða fjáraukningu til öryrkja,“ segir Ágúst Ólafur Ágústsson, þingmaður Samfylkingarinnar og annar varaformaður fjárlaganefndar. Meira »

Í samstarf um að bæta strandlínu

15:42 Fulltrúar Landhelgisgæslunnar og Landmælinga Íslands skrifuðu undir samstarfssamning í dag sem felur í sér samstarf stofnananna um aukið aðgengi almennings að rafrænum kortaupplýsingum og endurbótum að strandlínu landsins. Meira »

Fresturinn lengdur um eitt ár

14:41 Ásmundur Einar Daðason, félags- og jafnréttismálaráðherra, hefur ákveðið að framlengja um 12 mánuði frest fyrirtækja og stofnana til að öðlast jafnlaunavottun samkvæmt ákvæðum laga um jafna stöðu og jafnan rétt kvenna og karla. Meira »

„Megn pólitísk myglulykt“

14:27 „Fyrir mér blasir við að þarna lágu skýrir og greinilegir þræðir þvers og kruss á milli Seðlabankans, ríkisstjórnarinnar og Kastljóss RÚV. Megna pólitíska myglulykt lagði af þessu samráðsferli þá og leggur enn.“ Meira »

„Ljót pólitík gagnvart viðkvæmum hópi“

14:09 Willum Þór Þórsson, formaður fjárlaganefndar og þingmaður Framsóknarflokksins, sakar í samtali við mbl.is Ágúst Ólaf Ágústsson, annan varaformann fjárlaganefndar og þingmann Samfylkingarinnar, um að stunda „ljóta pólitík gagnvart viðkvæmum hópi.“ Meira »

Ræddu stöðuna í þýskum stjórnmálum

13:39 Katrín Jak­obs­dótt­ir for­sæt­is­ráðherra sat kvöldverð með Angelu Merkel, kanslara Þýskalands, í Berlín í gær. Merkel ávarpaði þar gesti alþjóðlegrar ráðstefnu um efnahagsmál á vegum Süddeutsche Zeitung. Meira »

Tíð innbrot í bifreiðar á höfuðborgarsvæðinu

13:12 Lögreglan á höfuðborgarsvæðinu hefur fengið tilkynningar um rúmlega hundrað innbrot í ökutæki frá því 1. október. Um það bil helmingur þessara innbrota hefur átt sér stað í miðborginni. Þetta kemur fram í tilkynningu frá embættinu. Meira »

Kynna nýtt CFC-frumvarp

12:37 Drög að nýju frumvarpi um svokallað CFC-ákvæði (e. Controlled foreign corporation) í skattalögum hefur verið kynnt á samráðsgátt stjórnvalda. Megintilgangurinn er að heimila skattlagningu CFC-tekna hér á landi og sporna gegn því að innlendir skattaðilar flytji fjármagn til svæða eða ríkja sem leggja á lága eða enga skatta. Meira »
Hljómsveit A Kröyer
Hljómsveit A. KRÖYER Duett, trío, fyrir dansleiki, árshátíðir,þorrablót einkasam...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Mergur málsins
Óska eftir að kaupa bókina Megur málsins eftir Jón G. Friðjónsson. Útg. Örn og ...
Sólarsella til sölu.
2 sölarsellur til sölu, stór og minni ásamt slatta af ljósum og öryggisboxi. ve...