Tal getur ekki lokað á aðgang viðskiptavina sinna að ákveðnum vefsíðum nema til komi lögbann í þeim efnum sem beinist að fyrirtækinu. Þetta segir Petrea Ingileif Guðmundsdóttir, framkvæmdastjóri Tals, í samtali við mbl.is.

Samband tónskálda og eigenda flutningsréttar (STEF) sendi á dögunum bréf til Tals, Símans og 365 miðla þar sem skorað er á fyrirtækin að loka á aðgengi viðskiptavina sinna að skráadeilisíðunum Deildu.net og Piratebay í kjölfar þeirrar niðurstöðu Héraðsdóms Reykjavíkur að sýslumaður skuli setja lögbann á aðgengi viðskiptavina fjarskiptafyrirtækjanna Vodafone og Hringdu að síðunum.

Fram hefur komið að 365 miðlar ætli að taka mið af niðurstöðu héraðsdóms en eins og mbl.is greindi frá fyrr í dag telur Síminn það ekki hlutverk fjarskiptafyrirtækja að taka ákvarðanir um að loka aðgengi að vefsíðum. Til þess þurfi sérstakt lögbann sem beint sé að fyrirtækinu.

Tengdar fréttir

Höfundarréttarvarið efni á netinu

Hæstiréttur staðfestir lögbann

• Skoða að áfrýja málinu til Hæstaréttar
• Héraðsdómur staðfestir lögbann vegna deildu og piratebay
• Segja Jens gera úlfalda úr mýflugu
• Lögbannið „gagnslaust og skaðlegt“

» Fleiri tengdar fréttir

• Blogga um frétt