Koma mælum fyrir í Kolgrafafirði

Síldargangan í Kolgrafafirði dró að sér gríðarlega fuglamergð.
Síldargangan í Kolgrafafirði dró að sér gríðarlega fuglamergð. mbl.is/Helgi Bjarnason

Þessa dagana er verið að koma fyrir súrefnismælum í Kolgrafafirði til að mæla mettunina í firðinum. Mælarnir eru á vegum Hafrannsóknarstofnunar á Ísafirði og fylgist stofnunin reglulega með mælunum.

Bændurnir á Eiði í Kolgrafafirði hafa aðgang að mælinum og segir Guðrún Lilja Arnórsdóttir bóndi að oft sé samhengi á milli mikillar síldar í firðinum og minnkandi súrefnismettunar.

Þá sjái þau hjónin einnig breytingu á fuglalífi þegar síldin safnast saman í firðinum auk þess sem hvalir og háhyrningar sæki í fjörðinn.

Fjörðurinn fylltist af síld í lok nóvember í fyrra.

mbl.is
Fleira áhugavert
Fleira áhugavert