Tilkynnt var um líkamsárás við Rauðavatn í Reykjavík á áttunda tímanum í morgun. Að sögn Kristjáns Inga Kristjánssonar aðstoðaryfirlögregluþjóns varð ung kona fyrir árásinni.
Enginn hefur verið handtekinn í málinu að sögn Kristjáns. Farið var með konuna á Landspítala til aðhlynningar og var síðan tekin af henni skýrsla.
Samkvæmt heimildum mbl.is var konan ein að skokka þegar ráðist var á hana, en talið er að árásarmennirnir hafi verið tveir eða fleiri.
Málið er nú í rannsókn.