Langflestir þeirra sem sóttu um leiðréttingu á verðtryggðum íbúðalánum geta í dag séð niðurstöðuna á vefnum leidretting.is. Það á við um ein 94 þúsund af þeim 105 þúsund kennitöluhöfum sem umsóknir komu frá.

Alls bárust umsóknir frá um 69 þúsund heimilum. Eftir er að vinna úr 10% umsókna, þeim er snerta þá lántaka sem breytingar hafa orðið hjá á síðustu árum. Samanlagt verður um 150 milljörðum varið til að lækka höfuðstól lánanna, þar af koma um 70 milljarðar vegna skattfrjálsrar inngreiðslu séreignarlífeyrissparnaðar á höfuðstól lána.

Á kynningarfundi í Hörpu í gær kom fram að höfuðstóll einstakra lána getur lækkað um allt að 20% á næstu þremur árum. Nýti heimilin úrræði leiðréttingarinnar til fulls gæti mánaðarleg greiðslubyrði lána lækkað á tímabilinu um 13-15%, eða um tæpar 15 þúsund krónur af 15 milljóna kr. láni frá árinu 2007.

Sjá nánar hér

Tengdar fréttir

Skuldaleiðréttingar ríkisstjórnarinnar

Leiðréttingin heppnaðist „frábærlega“

• Er forsætisráðherra sáttur við frammistöðuna?
• Skýrslan var tilbúin fyrir kosningar
• Tekjuhæstu 10% fengu 22 milljarða
• Leiðréttingin greidd að fullu

» Fleiri tengdar fréttir