Heldur jólin á suðurpólnum

Einar Torfi Finnsson fjallaleiðsögumaður er að fara með þriggja manna ...
Einar Torfi Finnsson fjallaleiðsögumaður er að fara með þriggja manna hóp á suðurpólinn. mbl.is/Kristinn Ingvarsson

Einar Torfi Finnsson fjallaleiðsögumaður mun ekki eyða jólunum á hefðbundinn hátt heldur verður hann í gönguskíðaferð á suðurpólnum.

Hinn 15. nóvember leggur Einar Torfi að stað í ferðalagið er hann flýgur til Punta Arena í Síle ásamt þremur öðrum. 21. nóvember er síðan stefnt á að fljúga á Suðurskautslandið þar sem skíðaferðin hefst. Einar Torfi verður leiðsögumaður í ferðinni en um samstarfsverkefni Íslenskra fjallaleiðsögumanna og Adventure Consultants er að ræða.

Að sögn Einars Torfa hafa Íslenskir fjallaleiðsögumenn unnið mikið með Adventure Consultants í gegnum tíðina, einkum á Grænlandi, en fyrirtækið skipuleggur einnig marga af þeim leiðöngrum sem farnir eru á hæsta fjall heims, Everest.

Með Einari Torfa í för verða Breti, Ástrali og Kanadamaður. Allir þrír eru vanir skíða- og fjallaferðum og hafa tveir þeirra ferðast töluvert um hálendi Íslands og annar þeirra hefur farið yfir Grænlandsjökul með Íslenskum fjallaleiðsögumönnum.

Einar er einn stofnenda Íslenskra fjallaleiðsögumanna og hefur verið leiðsögumaður í fjölmörgum ferðum um hálendið og Grænland. Meðal annars hefur hann farið nokkrar ferðir á gönguskíðum með hópa yfir Sprengisand og yfir Vatnajökul. Eins hefur hann farið þrisvar yfir Grænlandsjökul, nokkrar um austurhluta Grænlands auk fleiri ferða á Grænlandi með ferðamenn.

Með 70 kg í eftirdragi í stöðugum mótvindi

Í ferðinni á pólinn nú ferðast þeir félagar á gönguskíðum og draga búnaðinn á sleða, svokallaðri púlku. Þeir fá vistir þrisvar í ferðinni sem Einar segir að  auðveldi mjög upphaf ferðarinnar þar sem að í stað þess að draga á annað hundrað kíló á eftir sér er þyngdin um 70 kíló. Miðað við veður á þessum slóðum á þessum árstíma geta þeir gert ráð fyrir að í upphafi sé um 15 gráða frost en þegar nær dregur sjálfum pólnum verði frostið 30-40 gráður og stöðugur sunnanvindur í fangið. Eins eru tugir kílómetra af leiðinni nánast stöðugir rifskaflar sem eru mjög erfiðir yfirferðar og erfitt að draga púlkuna þar yfir.

Fyrsta pilsið

Einar og félagar geta átt von á því að kælingin verði mikil enda bætist vindkælingin ofan á frostið sem verður oftast á bilinu 20-30 stig á celsíus. Því er mikil hætta á kali og nauðsynlegt að búa sig vel.

„Þetta er í fyrsta skipti sem ég eignast pils,“ segir Einar en hann verður klæddur í pils með svokallaðri primaloft-fyllingu, sem er gerviefni sem samanstendur af fjölmörgum örþráðum sem halda hita að líkamanum. „Þegar það byrjar að kólna skellir maður sér í pilsið utan yfir gallann til þess að hlífa lærunum við kali,“ segir Einar.

Áætlað er að ferðalagið á ísnum taki um fimmtíu daga en heildarvegalengdin er um 1100 km og hækkunin er um 2.800 metrar en ferðinni lýkur í bandarískri rannsóknarstöð, Amundsen-Scott-stöðinni á suðurpólnum.

Undirbúningur fyrir ferðalagið hefur staðið yfir í töluverðan tíma enda að ýmsu að hyggja. Til að mynda þarf búnaðurinn að þola mikið frost og vind. Einar segir að það sé hins vegar að sumu leyti auðveldara að ferðast þarna en til að mynda á hálendi Íslands þar sem rakinn er miklu meiri hér. Einar segir að það séu einkum tjöldin sem þarf að passa vel upp á og vanda sig við að tjalda því þau eru viðkvæmari en annar búnaður.

Fjarveran frá fjölskyldunni erfiðust

Varðandi undirbúning fyrir ferðina segist Einar hafa leitað í reynslubrunn Leifs Arnar Svavarssonar frænda síns og vinnufélaga en hann hefur meðal annars farið í ferðir á bæði norður- og suðurpólinn. Eins hefur Vilborg Arna Gissurardóttir komið með góð ráð fyrir ferðina.

Aðspurður hvernig tilfinning það sé að eyða jólunum á suðurpólnum segir Einar að þetta sé auðvitað ekki vinsælt hjá fjölskyldunni en hann og Ingibjörg Guðjónsdóttir eiga tvö börn, Helgu Bryndísi, 14 ára, og Ísar Örn, átta ára. Hann segir að það hafi áður komið upp sá möguleiki að fara í slíka ferð á þessum árstíma en hann ekki viljað það. En nú hafi hann ákveðið að slá til í þetta eina skipti enda mikið ævintýri.

Einar hefur starfað sem fjallaleiðsögumaður í um það bil þrjá áratugi og það var í gegnum gönguskíðamennsku sem hann endaði sem leiðsögumaður en hann hefur stundað gönguskíðamennsku frá tíu ára aldri. Aðspurður neitar Einar því að vera orðinn leiður á starfinu enda viti hann fátt skemmtilegra en að ferðast um á gönguskíðum.

„Það versta við svona langar ferðir er fjarveran frá fjölskyldunni. En núna eru krakkarnir orðnir það stórir að ég ákvað að slá til,“ segir Einar en þau Ingibjörg eru bæði leiðsögumenn og krakkarnir vanir því að foreldrarnir séu uppi um fjöll og firnindi. Einar segir að þau hagi hins vegar vinnu sinni þannig að annað þeirra sé heima á meðan hitt er á fjöllum með hópa. Svo hafi fjölskyldan mjög gaman af því að ferðast saman og þau hafi farið víða í gegnum tíðina innanlands sem utan.

Vart sést munur dags og nætur

Tveggja mánaða ferðalag á slóðir sem þessar reynir á öll samskipti en Einar segist ekki kvíða því þó svo hann þekki ekki vel til ferðafélaganna. Hann segir að það sé stór hluti af starfi leiðsögumanns að takast á við andlega þáttinn hjá fólki. Eðlilega sé dagamunur á fólki og ef of geyst er farið af stað í upphafi getur það haft áhrif á allt ferðalagið. Því þó svo spennan sé mest þá verði að gæta vel að því að reyna ekki of mikið á sig í upphafi. Einar er búinn að hlaða ógrynni af efni inn á mp3-spilara og ipodinn en öll tæki ganga fyrir sólarrafhlöðum. Enda nóg af sólinni á suðurpólnum þar sem vart sést munur dags og nætur. Hann segir að þeir verði með tvö tjöld í ferðinni og annað þeirra sé það stórt að þeir geti setið þar allir fjórir og borðað og spjallað saman.

Í flestum tilvikum er gist eina nótt á hverjum stað en hann á von á því að þeir muni staldra aðeins við í Thiel-fjöllunum þar sem þeir fá vistir og geta losað sig við rusl. Því það eru ekki ruslafötur á suðurskautinu eins og gefur að skilja. Það er mikilvægt að fara yfir allan farangur og losa sig við allan óþarfa pappa og plast áður en lagt er af stað frá Síle. „Síðustu gráðuna megum við ekki skilja eftir neinar „afurðir“ þannig að þá þarf að taka allt með í poka og setja á púlkuna. Þetta er hluti af þeirri viðleitni að halda síðustu gráðunni hreinni (frá gráðu 89° að gráðu 90°).“

Glórulaus hugmynd að byggja heilsársveg yfir Sprengisand

Einar Torfi segir að ferðir yfir hálendi Íslands séu góður undirbúningur fyrir öll ferðalög sem reyna á. Til að mynda gönguskíðaferðir yfir Sprengisand en þá er lagt af stað í Eyjafirði og endað í Sigöldu og tekur slík ferð 10-12 daga. Mikil hækkun er í upphafi ferðar og svo er veðráttan á Sprengisandi oft og iðulega hrikaleg að vetri til. Einar segist ekki geta ímyndað sér að þeir sem hafi háleitar hugmyndir um að byggja heilsársveg yfir Sprengisand geri sér grein fyrir því veðravíti sem þar er. Hugmyndin sé eiginlega glórulaus í einu orði sagt og talar þar af reynslu því hann hefur farið þessa leið oftar en einu sinni á gönguskíðum og jeppa að vetri til.

„Þetta er mjög góður undirbúningur því það er ekkert erfiðara en að glíma við rakann og þetta síbreytilega veðurfar sem er á hálendi Íslands. Þetta er erfiðara en á svæði eins og suðurpólnum þar sem veðráttan er stöðug. Þrátt fyrir að vera með norðanvindinn stöðugt í andlitið og mikinn kulda er rakinn ekki að gera manni erfitt fyrir líkt og hér heima,“ segir Einar.

Hægt að skipta um dag með einu skrefi

En eftir fjölmargar gönguskíðaferðir hefur Einar sólbrunnið illa inni í nösunum vegna endurkasts frá snjónum og verður hann að vera með grímu á ferðalaginu á pólinn til þess að koma í veg fyrir blóðnasir, sólbruna og kal.

Landslagið á suðurpólnum er fremur tilbreytingarlaust eða nánast endalaus ísbreiða. En leiðin yfir Thiel-fjöll þykir ágætis tilbreyting á ferðalaginu.

Einar segir að þegar nær dregur sjálfum pólnum verði nánast enginn munur á sólarhæðinni og nánast hægt að velja sér hvað klukkan er.

„Maður ræður hvenær á dagurinn á að byrja en á pólnum mætast öll tímabelti og því minnsta mál í heimi að hoppa yfir daglínuna. Þetta er eini staðurinn í heiminum þar sem þú getur skipt um dag með því að taka eitt skref, og farið svo aftur yfir á fyrri daginn,“ segir Einar en hægt verður að fylgjast með ferðalaginu á bloggsíðu sem Íslenskir fjallaleiðsögumenn munu annast.

Íslenskir fjallaleiðsögumenn eru að undirbúa fleiri pólferðir, bæði á norður- og suðurpólinn og nú er boðið upp á ferð á norðurpólinn þar sem farin er síðasta gráðan, þ.e. byrjað á gráðu 89° og 111 km að norðurpólnum sjálfum. 

Fyrsta ferðin á norðurpólinn þar sem skíðað er alla leið líkt og Einar Torfi gerir í þessari ferð á suðurpólinn er síðan í boði í febrúar árið 2016. Leiðangur á suðurpólinn þar sem skíðuð er síðasta gráðan verður í boði í desember 2015 og 2016.

Suðurpóllinn með augum NASA
Suðurpóllinn með augum NASA NASA
Einar Torfi Finnsson tók þessa mynd á Grænlandi
Einar Torfi Finnsson tók þessa mynd á Grænlandi Íslenskir Fjallaleiðsögumenn
Ferð á vegum Íslenskra Fjallaleiðsögumanna yfir Vatnajökul
Ferð á vegum Íslenskra Fjallaleiðsögumanna yfir Vatnajökul Björgvin Hilmarsson
Úr leiðangri Leifs Arnar Svavarssonar á suðurpólinn
Úr leiðangri Leifs Arnar Svavarssonar á suðurpólinn Leifur Örn Svavarsson/Íslenskir Fjallaleiðsögumenn
Úr leiðangri Leifs Arnar Svavarssonar á suðurpólinn
Úr leiðangri Leifs Arnar Svavarssonar á suðurpólinn
Úr leiðangri Leifs Arnar Svavarssonar á norðurpólinn
Úr leiðangri Leifs Arnar Svavarssonar á norðurpólinn Leifur Örn Svavarsson/Íslenskir Fjallaleiðsögumenn
Úr leiðangri Leifs Arnar Svavarssonar á suðurpólinn
Úr leiðangri Leifs Arnar Svavarssonar á suðurpólinn
Leiðangur sem Einar Torfi Finnsson fór til Grænlands
Leiðangur sem Einar Torfi Finnsson fór til Grænlands
Úr leiðangri Einars Torfa Finnssonar til Grænlands þar sem hann ...
Úr leiðangri Einars Torfa Finnssonar til Grænlands þar sem hann fór á Gunnbjörnsfjall sem er eitt Watkins-fjallanna. Þetta er einangrað svæði og fjarri allri byggð og þar er að finna flest hæstu fjöll Grænlands. Daninn Ebbe Munch varð fyrstur til að klífa fjallið árið 1935.
Ferð sem Björgvin Hilmarsson fjallaleiðsögumaður fór yfir Vatnajökul með hóp ...
Ferð sem Björgvin Hilmarsson fjallaleiðsögumaður fór yfir Vatnajökul með hóp á vegum Íslenskra Fjallaleiðsögumanna. Björgvin Hilmarsson/Íslenskir Fjallaleiðsögumenn
Ferð sem Björgvin Hilmarsson fjallaleiðsögumaður fór yfir Vatnajökul með hóp ...
Ferð sem Björgvin Hilmarsson fjallaleiðsögumaður fór yfir Vatnajökul með hóp á vegum Íslenskra Fjallaleiðsögumanna. Björgvin Hilmarsson/Íslenskir Fjallaleiðsögumenn
Einar Torfi Finnsson tók sjálfsmynd í leiðangrinum á Gunnbjörnsfjall á ...
Einar Torfi Finnsson tók sjálfsmynd í leiðangrinum á Gunnbjörnsfjall á Grænlandi. Einar Torfi Finnsson/Íslenskir Fjallaleiðsögumenn
Úr leiðangri sem Björgin Hilmasson fjallaleiðsögumaður fór með yfir Vatnajökul
Úr leiðangri sem Björgin Hilmasson fjallaleiðsögumaður fór með yfir Vatnajökul
Úr leiðangri sem Björgin Hilmasson fjallaleiðsögumaður fór með yfir Vatnajökul
Úr leiðangri sem Björgin Hilmasson fjallaleiðsögumaður fór með yfir Vatnajökul Björgvin Hilmarsson/Íslenskir Fjallaleiðsögumenn
Úr leiðangri sem Björgin Hilmasson fjallaleiðsögumaður fór með yfir Vatnajökul
Úr leiðangri sem Björgin Hilmasson fjallaleiðsögumaður fór með yfir Vatnajökul Björgvin Hilmarsson/Íslenskir Fjallaleiðsögumenn
mbl.is

Innlent »

Ákærður fyrir brot gegn dætrum sínum

19:47 Héraðssaksóknari hefur gefið út ákæru á hendur karlmanni sem er gefið að sök að hafa beitt dætur sínar grófu kynferðisofbeldi um margra ára skeið. Meira »

Sökkti sér ofan í súrkálsgerð

19:37 Súrkál er sælkeramatur að mati Dagnýjar Hermannsdóttur súrkálsgerðarkonu. Hún sendi nýverið frá sér uppskriftabókina Súrkál fyrir sælkera til að breiða súrkálsfagnaðarerindið út til Íslendinga. Meira »

Ásakanirnar komu Kára á óvart

19:00 Verjandi Kára Sturlusonar segir að umbjóðandi sinn muni leita réttar síns gagnvart bæði Sigur Rós og Hörpu vegna ólögmætra riftana á gerðum samningum og ærumissis ef máli hans verður vísað frá. Kári fékk greiddar 35 milljónir af miðasölutekjum fernra tónleika, sem Harpa reynir að sækja til baka. Meira »

„Það er voða góður andi í þessum kór“

18:30 Kvennakór Suðurnesja hóf 50 ára afmælishátíð föstudaginn 9. febrúar með opnun sögusýningar í Duus Safnahúsum. Þar er saga kórsins rakin í máli, myndum og munum. Meira »

„Fólk noti hyggjuvitið“ í fyrramálið

17:02 „Fólk verður að nota hyggjuvitið. Það verður snjór og blint í efri byggðum og talsverðar líkur á því að umferðin verði hæg og því færri sem eru á vegunum því betra,“ segir Elín Jóhannesdóttir, veðurfræðingur Veðurstofu Íslands, um veðrið í fyrramálið þegar flestir fara til vinnu. Meira »

Megi móðga erlenda þjóðhöfðingja

16:47 Fjórir þingmenn Vinstrihreyfingarinnar - græns framboðs hafa lagt fram lagafrumvarp þess efnis að ekki verði lengur refsivert samkvæmt almennum hegningarlögum að móðga þjóðhöfðingja erlendra ríkja. Meira »

Flugfarþegar fylgist vel með veðri

16:11 Icelandair reiknar ekki með því að grípa til þess ráðs að flýta brottförum frá Keflavíkurflugvelli í fyrramálið vegna vonskuveðurs, sem spáð er að muni ganga hratt yfir suðvesturhorn landsins í fyrramálið. Meira »

„Vonandi bara að deyja út“

16:25 Dregið hefur verulega úr tíðni jarðskjálftanna í kringum Grímsey frá því sem var í gær og enginn skjálfti yfir þremur að stærð hefur mælst síðan klukkan þrjú í nótt. Meira »

Berst gegn limlestingum á kynfærum kvenna

16:10 Guðlaugur Þór Þórðarson utanríkisráðherra skrifaði í dag undir endurnýjun á samningi við Mannfjöldasjóð Sameinuðu þjóðanna (UNFPA) um stuðning til fjögurra ára við verkefni sem hefur það að markmiði að útrýma limlestingu á kynfærum kvenna og stúlkna. Meira »

Yngri börn fari ekki ein í skóla

15:54 Slökkvilið höfuðborgarsvæðisins hvetur foreldra og forráðamenn til að fylgjast vel með veðri og tilkynningum í fyrramálið. Búið er að hækka viðvörunarstig fyrir höfuðborgarsvæðið upp í appelsínugult vegna morgundagsins og því hefur svokölluð tilkynning 1 verið virkjuð. Meira »

„Gott að fá þessa brýningu“

15:53 „Þetta er mjög gott fyrir okkur að fá þessa brýningu og ég veit það að utanríkisráðherra hefur tekið upp málefni Jemens á alþjóðavettvangi en það er mjög mikilvægt fyrir okkur að heyra frá ykkur,“ sagði Katrín Jakobsdóttir forsætisráðherra eftir að hafa tekið við áskorun frá Vinum Jemens í dag. Meira »

Varað við brennisteinsmengun

15:19 Lögreglan á Suðurlandi hvetur fólk í ferðaþjónustu, sem og einstaklinga í hálendisferðum, til þess að kynna sér mögulega hættu vegna íshellis í Blágnípujökli, suðvestur af Hofsjökli, sem verið hefur vinsæll á meðal ferðamanna á undanförnum vikum. Meira »

Kjartan og Áslaug sett út í kuldann

15:16 Hvorki Kjartani Magnússyni né Áslaugu Maríu Friðriksdóttur var boðið sæti á lista Sjálfstæðisflokksins í Reykjavík fyrir komandi borgarstjórnarkosningar, samkvæmt heimildum mbl.is. Þeim mun hafa verið hafnað af kjörnefnd. Meira »

Yfir 3.000 umsóknir bárust

14:51 Alls bárust 3.176 umsóknir um hreindýraveiðileyfi fyrir árið 2018 en veiða má 1.450 dýr, 389 tarfa og 1.061 kú, þar af skulu 40 kýr veiddar í nóvember. Meira »

„Við erum að ræða almannahagsmuni“

14:28 „Ég hélt í augnablik að ég væri kominn aftur í Icesave-umræðuna þar sem menn stóðu og vöruðu við því að farið væri gegn alþjóðavaldinu eða gegn stórum ríkjum og svo framvegis. Háttvirtur þingmaður Óli Björn Kárason stóð og flutti nákvæmlega sömu ræðuna og hefði verið hægt að flytja í Icesave-umræðunni allri saman.“ Meira »

Umskurður drengja þegar refsiverður?

14:52 Brynjar Níelsson, þingmaður Sjálfstæðisflokksins og hæstaréttarlögmaður, segir á Facebook-síðu sinni í dag að hann viti ekki til annars en að umskurður drengja sé þegar refsiverður hér á landi samkvæmt almennum hegningarlögum. Meira »

Farþegar mæti fyrr upp í flugstöð

14:44 WOW air hvetur farþega sem eiga bókað flug með félaginu í fyrramálið að mæta snemma upp í flugstöð þar sem flug muni taka fyrr af stað en upprunalega var áætlað. Félagið grípur til þessara ráðstafana vegna yfirvofandi óveðurs sem mun ganga yfir landið. Meira »

Felldu kjarasamning í annað sinn

13:09 Flugfreyjur hjá flugfélaginu WOW felldu kjarasamning við félagið í annað sinn á tæpum þremur mánuðum. Félagsmenn kusu um samninginn í gær. 54,5% sögðu nei, 44% sögðu já en 1,5% tók ekki afstöðu. Kjörsókn var 74% eða 360 af 486 félagsmönnum greiddu atkvæði. Meira »
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
Bækur
Til sölu mikið magn allskyns bóka, uppl í síma 8920213...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
 
Framhald suðurland
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Félag sjálfstæðismanna Smáíbúða-...
Hádegisfundur
Fundir - mannfagnaðir
ses.xd.is Samtök eldri sjálfstæði...
Félagslíf
Staður og stund
Aflagrandi 40 Opin vinnustofa frá kl 9, ...