Krotað á „gimstein þjóðarinnar“

Styttan af Jóni Sigurðssyni sem stendur á Austurvelli varð fyrir barðinu á veggjakroturum í mótmælum síðastliðinn mánudag.

Á hana var ritað með krít. Samkvæmt upplýsingum frá lögreglunni á höfuðborgarsvæðinu er um eignaspjöll að ræða, að því er fram kemur í Morgunblaðinu í dag.

„Það er farið fram á góða umgengni í skilmálunum fyrir mótmælum og þetta er ekki í samræmi við hana. Þetta var áréttað við leyfishafa mótmælanna,“ segir Arnar Rúnar Marteinsson, aðalvarðstjóri hjá lögreglunni á höfuðborgarsvæðinu. Hann segir að umgengni mótmælenda hafi að öðru leyti verið góð.