„Þetta segir okkur að kvikukerfið undir Bárðarbungu er sennilega flóknara en menn héldu fyrst,“ segir Magnús Tumi Guðmundsson jarðeðlisfræðingur.

Bráðabirgðaniðurstöður nýrra jarðskjálftamælinga í Bárðarbungu benda til þess að kvika sé nær yfirborðinu en talið hefur verið til þessa. Virðast skjálftarnir vera á um eins til þriggja kílómetra dýpi í stað fimm til átta.

Magnús Tumi segir niðurstöður bergfræðiathugana á þeirri kviku sem upp kemur í Holuhrauni benda til þess að kvikan sé komin af verulegu dýpi, eða minnst níu kílómetrum. Þá benda rannsóknir einnig til þess að botninn á öskju Bárðarbungu, sem sigið hefur að undanförnu, sé fremur þunnur.

Tengdar fréttir

Bárðarbunga

Jarðskjálfti í Bárðarbungu

• Sá stærsti síðan í október
• 4,4 stiga skjálfti í Bárðarbungu
• „Ekkert óvenjulegt á ferðinni“
• 111 skjálftar mælst í Bárðarbungu á árinu

» Fleiri tengdar fréttir