Vagn Ingólfsson birti myndband á Facebooksíðu sinni í dag, sem sýnir „brjálaðan gröfumann“ ryðja burt bílnum hans í snjónum í Ólafsvík.

Vagn sagði í samtali við mbl.is að myndbandið væri reyndar orðið nokkurra ára gamalt og allt í góðu gamni, eins og sjá má glögglega undir lok myndbandsins. Fram að því standa þeir Vagn og gröfumaðurinn Svanur Tómasson sig ágætlega í stykkinu.

Hann segir að um gamlan og hálfónýtan vinnubíl hafi verið að ræða sem hann hafi fest í snjónum á sínum tíma. „Við vorum bara að hafa gaman af þessu, það þurfti hvort eð er að taka bílinn og höfðu margir gaman af,“ segir Vagn. „Það voru allir furðulostnir á þessari hegðun, en þetta er allt í góðu gríni. Þeir eru að gera góða hluti hérna í mokstrinum núna, það er af nógu að taka.“

Vagn segir veðrið í Ólafsvík fínt, en mikill snjór er á götum og snjó mokað nánast allan sólarhringinn.

Tengdar fréttir

Óveður í desember 2014

Íslenskur snjóbylur vekur heimsathygli

• Töluvert um vatnsleka í borginni
• Hætta á að klakastykki falli úr Búlandshöfða
• Það verður víða allt á floti
• Hvessir með éljum og skafrenningi

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Vagn Ingólfsson hitti bílinn aftur á miðilsfundi