Það er snjóþekja á Sandskeiði og hálka á Hellisheiði og í Þrengslum en hálkublettir á Reykjanesbraut. Hálka eða snjóþekja er  á flestum öðrum leiðum á Suðurlandi en þó er þungfært á Lyngdalsheiði.

Búið er að opna Holtavörðuheiði en annars er hálka eða snjóþekja er á flestum leiðum á Vesturlandi en þæfingsfærð á Bröttubrekku. Flughált er á Laxárdalsheiði.

Á Vestfjörðum er víða snjóþekja eða hálka en þæfingsfærð milli Brjánslækjar og Kleifaheiðar  en þar er þungfært.  Þæfingsfærð er á Steingrímsfjarðarheiði og Þröskuldum.

Snjóþekja, hálka eða þæfingsfærð er á Norðvesturlandi en búið er að opna Þverárfjall. Hálka er á Öxnadalsheiði og flughálka í Norðurárdal í Skagafirði. Flughálka er einnig milli Sauðárkróks og Hofsóss, í Út-Blönduhlíð og Hjaltadal. Þæfingsfærð er á Siglufjarðarvegi.

Hálka eða snjóþekja er á flestum leiðum á Norðurlandi eystra.

Á Austurlandi hálka á flestum vegum en snjóþekja á Fjarðarheiði. Hálka er einnig við Suðausturströndina.

Tengdar fréttir

Óveður í desember 2014

Íslenskur snjóbylur vekur heimsathygli

• Töluvert um vatnsleka í borginni
• Hætta á að klakastykki falli úr Búlandshöfða
• Það verður víða allt á floti
• Hvessir með éljum og skafrenningi

» Fleiri tengdar fréttir

• Blogga um frétt