Sparar þjóðinni á annan tug milljarða

Mikil lækkun bensínverðs sparar íslenskum heimilum, fyrirtækjum og útgerðinni samtals á annan tug milljarða króna í eldsneytiskostnað á ári.

Þetta er mat Sigurðar Inga Friðleifssonar, framkvæmdastjóra Orkuseturs, en útreikningarnir sem hann vísar til eru sýndir hér til hliðar.

Ásdís Kristjánsdóttir, forstöðumaður efnahagssviðs Samtaka atvinnulífsins, segir lækkun olíuverðs hafa áhrif til lækkunar verðbólgu.