Fastar á Íslandi yfir jólin

Útlit er fyrir að stúlkurnar tvær þurfi að fljúga alla ...
Útlit er fyrir að stúlkurnar tvær þurfi að fljúga alla leið til Kína og þaðan til Bretlands.

Tvær kínverskar stúlkur sem staddar eru á Íslandi komast ekki til síns heima yfir jólin. Töskur sem geymdu vegabréf stúlknanna hurfu úr rútu þeirra skömmu fyrir jól og hafa ekki fundist síðan.

Stúlkurnar komu til landsins 19. desember síðastliðinn og áttu bókað flug aftur til Englands á Þorláksmessu. Þann 21. desember fóru stúlkurnar í hestaferð og skildu töskurnar sínar eftir í rútunni sem flutti þær þangað. Að hestaferðinni lokinni komast þær að því að rútan er farin og í stað hennar er komin önnur rúta. Að sögn starfsmanna rútufyrirtækisins Gray Line hafa töskurnar enn ekki fundist.

„Rútubílstjóri fyrri rútunnar sá okkur raða töskunum fyrir ofan sætin okkar en varaði okkur samt ekki við því að önnur rúta myndi koma í staðinn. Við uppgötvuðum um leið og við komum í nýju rútuna að töskurnar voru ekki til staðar. Ég hringdi þá í rútufyrirtækið og var þá sagt að bíða fram á nótt og hringja aftur eftir miðnætti því þá væri hægt að leita í rútunni,“ segir önnur stúlknanna, Yushan Chai, í samtali við mbl.is.

„Ég hringdi svo margoft um kvöldið og nóttina en enginn svaraði hjá fyrirtækinu. Loks svaraði einhver klukkan þrjú um nóttina og sagði þá að ekkert hefði fundist.“ Í töskunum voru peningar, myndavélar og fleira en vegabréfin skipta stúlkurnar mestu máli.

Kínverska sendiráðið hefur gefið þeim vegabréf til bráðabirgða en það gerir þeim hins vegar ekki kleift að fara aftur til Bretlands. Til að njóta landvistar í Bretlandi þurfa þær sérstaka vegabréfsáritun fyrir námsmenn sem glataðist með vegabréfunum, en Yushan Chai er að læra arkitektúr í Brighton og hin stúlkan, Jixin Yu, er að læra stærðfræði í Liverpool.

Breska sendiráðið lokað

Að sögn Chai er útlit fyrir að þær þurfi að fara aftur til Kína til að útvega nýjar vegabréfsáritanir. Þá myndu þær að öllum líkindum þurfa að bíða í mánuð eftir nýrri vegabréfsáritun en sú bið hefði alvarlegar afleiðingar í för með sér fyrir stúlkurnar. Chai á að skila lokaverkefni til meistaraprófs í arkitektúr um miðjan janúar og Yu þarf að þreyta lokapróf í B.S. námi í stærðfræði þann 19. janúar.

Vegabréfsáritunin sem stúlkurnar þurfa er gefin út af breskum yfirvöldum. Samkvæmt upplýsingum frá breska sendiráðinu eru dyr þess lokaðar næstu daga en opna aftur á mánudaginn. Að sögn Chai þá er ólíklegt að sendiráðið geti veitt þeim áritun þar sem vegabréfsáritanir fyrir kínverska námsmenn falla ekki undir opinbert hlutverk sendiráðsins. Þá bætir ekki úr skák að háskólarnir í Bretlandi eru lokaðir og enginn getur því staðfest að þær stundi nám þar í landi.

Rútufyrirtækið beri ábyrgð

Jón Víðis Jakobsson hefur aðstoðað þær við að leita að töskunum undanfarna daga, en hann kynntist stúlkunum fyrir algjöra tilviljun.

„Kennari þeirrar sem nemur arkitektúr í Brighton er mágkona mín þar sem hún á íslenskan mann. Stúlkurnar vissu ekki að þær hefðu þessa tengingu við Ísland fyrr en þetta kom fyrir en nú hef ég verið að aðstoða þær síðan á Þorláksmessu,“ segir Jón og bætir við að líklega hafi annar farþegi rútunnar tekið töskurnar ófrjálsri hendi.

„Þær eru búnar að fara til lögreglunnar að tilkynna þjófnað en standa nú ráðalausar gagnvart þessu. Þær eru að hugsa um að fara til London með flugi og sjá hvað gerist þegar þær reyna að komast inn í landið en ég tel það ekki vera sniðuga lausn á málinu,“ segir Jón.

„Forsvarsmenn Gray Line hafa sagt mér að farþegar eigi að taka allan farangur með sér þegar farið er úr rútunum þeirra en stúlkunum var greinilega ekki sagt að gera það. Þær sögðu bílstjóra næstu rútu að töskurnar hefðu týnst en hann sagði þeim ekki að aðhafast neitt heldur bíða og sjá; töskurnar kæmu í ljós. Mér finnst fyrirtækið því bera einhverja ábyrgð í þessu máli.“

mbl.is

Innlent »

Víða hált á vegum landsins

Í gær, 22:07 Hálkublettir eru suðvestanlands á Hellisheiði, Mosfellsheiði og á Kjósaskarði samkvæmt upplýsingum frá Vegagerðinni. Sömu sögu er að segja um Holtavörðuheiði, Bröttubrekku og Fróðárheiði vestanlands. Meira »

40 íslenskir hestar niður Strikið

Í gær, 21:45 Fjörutíu íslenskir hestar fóru um stræti Kaupmannahafnar í gær, í tilefni af 50 ára afmæli Íslandshestasamtakanna í Danmörku. Meira »

Notendum hjólaleigu fjölgar milli ára

Í gær, 21:30 Fleiri nýttu sér hjólaleiguna WOW citybike í sumar en í fyrrasumar. Vætutíð hafði áhrif fyrri hluta sumars en notkunin jókst jafnt og þétt eftir því sem leið á sumarið og varð aukning í notendum á milli ára. Þetta segir Svanhvít Friðriksdóttir, upplýsingafulltrúi WOW air, sem starfrækir hjólaleiguna. Meira »

Vildu finna Íslandsbænum nýtt hlutverk

Í gær, 20:40 „Við vissum svo sem ekkert hvað við ætluðum að gera fyrst og svo varð þetta bara svona,“ segir Heiðdís Pétursdóttir sem opnaði nýlega, ásamt Hreiðar Hreiðarssyni manni sínum, gististað í torfbæjarstíl skammt frá Hrafnagili. Meira »

Niðurlægjandi að pissa ofan í glas

Í gær, 20:27 „Ég kom bara af fjöllum. Eftir að ég fékk þetta bréf hélt ég að það væri búið að fella allt niður,“ segir Theódór Helgi Helgason. Hann er ósáttur við gang mála eftir að hafa verið handtekinn af lögreglunni á Suðurnesjum 16. júní vegna gruns um akstur undir áhrifum ávana- og fíkniefna. Meira »

Verja 65 milljónum í fullveldisfagnað

Í gær, 19:40 Áætlaður heildarkostnaður forsætisráðuneytisins vegna hátíðaviðburða sem fram fara 1. desember í tilefni af 100 ára sjálfstæði og fullveldi Íslands eru 65 milljónir króna, samkvæmt svari ráðuneytisins við fyrirspurn mbl.is um kostnað ráðuneytisins vegna hátíðahaldanna. Meira »

Skoða hvort málinu verði áfrýjað

Í gær, 19:02 Ingólf­ur Hauks­son, for­stjóri Glitn­is HoldCo, segir að verið sé að skoða hvort máli þrotabúsins gegn fjölmiðlunum Stundinni og Reykjavík Media verði áfrýjað til Hæstaréttar. Meira »

Vill koma skútunni í öruggt skjól

Í gær, 18:48 Rann­sókn lög­regl­unn­ar á Vest­fjörðum á skútuþjófnaði á Ísaf­irði aðfaranótt 14. október er langt komin. Einn er í haldi lögreglu, grunaður um þjófnaðinn, og var hann úrskurðaður í farbann til 12. nóvember. Maðurinn, sem er erlendur, hefur tvívegis verið yfirheyrður vegna málsins. Meira »

Kastaði buxum út um glugga verslunar

Í gær, 18:37 Karlmaður á þrítugsaldri var í dag dæmdur í 45 daga fangelsi í Héraðsdómi Reykjavíkur fyrir að hafa í byrjun febrúar á þessu ári stolið buxum að verðmæti um 10 þúsund króna úr verslun í Hafnarfirði með því að kasta þeim út um glugga í mátunarklefa verslunarinnar. Meira »

Kröfu Isavia hafnað

Í gær, 18:19 Áfrýjunarnefnd samkeppnismála hefur staðfest bráðabirgðaákvörðun Samkeppniseftirlitsins vegna gjaldtöku Isavia ohf. á ytri rútustæðunum við Flugstöð Leifs Eiríkssonar á Keflavíkurflugvelli, en bráðabirgðaákvörðunin var tekin 17. júlí síðastliðinn. Meira »

Dæmdur í fangelsi fyrir fjölda brota

Í gær, 17:50 Þrítugur karlmaður hefur verið dæmdur í 15 mánaða fangelsi í Héraðsdómi Reykjavíkur fyrir margvísleg brot á borð við líkamsárásir, fjársvik og þjófnað, auk fjölda fíkniefna- og umferðarlagabrota. Umferðarlagabrotin voru alls níu talsins, en í heildina voru ákæruliðirnir hátt í tuttugu talsins. Meira »

HR hefur ekki fengið náðhúsið afhent

Í gær, 17:30 Háskólinn í Reykjavík hefur fengið tvær af þrjá byggingum braggans við Nauthólsvík afhentar frá borginni, en ekki allar þrjár líkt og Óli Jón Hertervig, starfandi skrifstofustjóri skrifstofu eigna og atvinnuþróunar (SEA) greindi frá í morgun. Meira »

Hætt verði að nafngreina sakamenn

Í gær, 17:09 Verði fyrirhugað frumvarp dómsmálaráðherra að lögum verða dómar og úrskurðir héraðsdómstóla sem varða viðkvæm persónuleg málefni ekki lengur birtir opinberlega. Þá verður nafnleyndar gætt í öllum tilfellum við birtingu dóma í sakamálum um þá sem þar koma við sögu. Meira »

Tilraun til að vega að trúverðugleika blaðamanns

Í gær, 16:49 Það að kalla blaðamann „óvin vinnandi stétta“, að segja að honum hafi verið „sigað á [okkur] af húsbónda sínum“ og lýsa honum sem „holum manni“, vegna harðra skoðanaskrifa hans um samningskröfur stéttarfélaga, er tilraun til að vega að mennsku hans og trúverðugleika. Meira »

Miklar götulokanir vegna kvennafrís

Í gær, 16:07 Miklar götulokanir verða í miðborginni á kvennafrídegi miðvikudaginn 24. október. Lokanir verða á Kalkofnsvegi og víðar vegna baráttufundar á Arnarhóli í tilefni af samkomunni, en sviði verður komið fyrir á Kalkofnsvegi fyrir framan Arnarhól. Meira »

Bilun í hitakerfi rúðunnar olli sprungu

Í gær, 15:45 Sprunga í rúðu í flugstjórnarklefa flugvélar Icelandair sem var á leið frá Orlando í Flórída til Keflavíkur aðfaranótt laugardags myndaðist vegna bilunar í hitakerfi rúðunnar. Rannsóknarnefnd samgönguslysa er með atvikið til skoðunar. Meira »

Rannsaka andlát ungrar konu

Í gær, 15:37 Ung kona fannst látin á heimili sínu á Akureyri á sunnudagsmorgun. Lögreglan á Norðurlandi eystra rannsakar málið. Dánarorsök liggur ekki fyrir, en einn maður var í dag úrskurðaður í gæsluvarðhald vegna málsins. Meira »

Ríkissaksóknari skoðar Euro Market-mál

Í gær, 15:29 Ríkissaksóknari fór þess á leit við lögreglustjórann á Vesturlandi að hann aðstoðaði ríkissaksóknara við rannsókn á því hvernig minnisblað lögreglu sem hafði að geyma trúnaðarupplýsingar komst í hendur á óviðkomandi aðila. Niðurstaða rannsóknar lögreglustjórans á Vesturlandi hefur verið kynnt ríkissaksóknara sem fer með rannsókn málsins. Meira »

Ekki hlaupið að verktakaskiptum

Í gær, 15:15 Akstursþjónusta fatlaðra á vegum Strætó bs. hefur gengið vel í dag þrátt fyrir gjaldþrot verktakans Prime Tours sem hafði 25 bíla í rekstri. Framkvæmdastjóri Strætó ætlar að funda með lögfræðingum á morgun og fara yfir næstu skref. Meira »
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
Til leigu í Vesturbænum
Lítil falleg íbúð, hentar einstaklingi eða pari.Leigist aðeins reglusömum engin ...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA: I, II, III, IV, V, VI: 2018: AUTUMN/HAUST: START/B...