„Wow ber ekki ábyrgð á veðri“

Brasilísku ferðamennirnir á hlaðinu í Eyjarhólfum: Gabriel, Lucas, Marcos, Laisla ...
Brasilísku ferðamennirnir á hlaðinu í Eyjarhólfum: Gabriel, Lucas, Marcos, Laisla og Renata. Marcos og Laisla eru þau sem misstu af fluginu en þau eru bæði námsmenn. Ljósmynd Halldóra J. Gylfadóttir

Íbúar í Eyjarhólum í Mýrdal komu fimm brasilískum ferðamönnum til bjargar aðfararnótt sunnudags en þeir höfðust við í bifreið sinni í aftakaveðri skammt frá bænum. Rafmagn fór af í Mýrdalnum í gærmorgun og komst ekki á fyrr en í nótt. Því var bæði síma- og rafmagnslaust á þessum slóðum og Hringvegurinn lokaður vegna veðurofsans.

Tveir ferðamannanna áttu pantað flug með  Wow air til Kaupmannahafnar snemma í morgun en þar sem þeir sátu fastir í Eyjarhólum vegna ófærðar reyndi hópurinn að hringja til flugfélagsins Wow án árangurs í alla nótt en ekki var svarað í síma hjá Wow fyrr en klukkan átta í morgun. Fólkið fékk þá þær upplýsingar að þau hefðu átt að hafa samband í gegnum netið en eðli málsins samkvæmt var það ekki hægt þegar allt er rafmagns- og símasambandslaust.

Ekkert netsamband í rafmagns- og símasambandsleysi

Þar sem flugvél Wow er fullbókuð til Kaupmannahafnar á morgun þá þurfa þau að fljúga út á fimmtudag og þurfa að kaupa miðana á fullu verði enda fengust þau svör að Wow bæri ekki ábyrgð á veðrinu.

Að sögn Sindra Björnssonar, íbúa í Eyjarhólum, var farsímasamband í Mýrdalnum mjög lélegt áður fyrr en eftir að settir voru upp gsm-sendar fyrir nokkru batnaði það mjög. En þegar rafmagnið fór í gærmorgun þá duttu sendarnir út og allt símasamband sem og netsamband. Þó svo að rafmagnið hafi komið á í nótt þá var sambandið afar stopult og einungis eitt strik á gsm-símum sem nægir ekki til þess að fara inn á netið. 

„Það var loksins klukkan átta sem þau náðu sambandi og þeim tjáð að ekkert væri hægt að gera,“ segir Sindri. Hann var ekki sáttur við þau svör sem ferðafólkið fékk og ákvað að hringja sjálfur og fékk þær upplýsingar að flugfélagið tæki ekki ábyrgð á veðri. Hann segir þetta mjög bagalegt fyrir fólkið sem þarf að komast áfram leiðar sinnar eftir að það er komið til Kaupmannahafnar þar sem ekkert þeirra er búsett þar. 

Þrír þeirra eiga hins vegar pantað flug með Icelandair á morgun og því engin vankvæði tengd þeirra ferðalagi. Sindri segist afar ósáttur við þessa afgreiðslu Wow þar sem fólkið hafi gert það eina rétta í stöðunni aðfararnótt sunnudags, að stöðva bílinn og bíða þar átekta enda veðrið glórulaust og beinlínis lífshættulegt að vera á ferðinni.

Ferðamennirnir höfðu verið í Skaftafelli og við Jökulsárlón fyrr um daginn í fínu veðri. Þau ákváðu þegar leið á daginn að fara aftur til Reykjavíkur í stað þess að bíða eftir norðurljósunum líkt og þau höfðu velt fyrir sér en veðrið fór smám saman versnandi eftir því sem sunnar dró. Þegar þau voru komin í gegnum Vík í Mýrdal var orðið mjög erfitt að keyra og ákváðu þau að halda kyrru fyrir í bílnum þar sem ekkert skyggni var. Sindri og kona hans, Halldóra J. Gylfadóttir, sáu ljósin á bíl þeirra og komu þeim til aðstoðar og buðu þeim gistingu í Eyjarhólum um nóttina. 

Að sögn Sindra var ekki hundi út sigandi í allan gærdag og fóru rúður úr tveimur bílum, þar á meðal bílaleigubíl ferðamannanna auk þess sem rúður fóru úr nokkrum bílum í Vík í Mýrdal.

Líkt og fram kom á mbl.is í gær stóðu björgunarsveitir á Suðurlandi í ströngu síðdegis í gær. Verst var ástandið undir Eyjafjöllum þar sem rúður brotnuðu í bílum og bílar fuku á hliðina á svæðinu frá Pétursey að Skógum.

„Í fyrstu var reynt að senda traktor frá Sólheimahjáleigu á staðinn en hann varð frá að hverfa vegna veðurofsans. Hið sama á við um bíla sem sendir voru frá Vík, m.a. brotnuðu rúður í björgunarsveitabíl Víkverja. Svo mikill var vindurinn að vörubílar, sem voru að flytja snjóbíla á pallinum, köstuðust til,“ segir meðal annars í tilkynningu frá Landsbjörg í gær.

Lokað var fyrir alla umferð undir Eyjafjöllum að Vík og frá Skaftafelli að Kvískerjum gær og þangað til í morgun og því ekki mögulegt fyrir brasilísku ferðamennina að komast í flugið frá Keflavíkurflugvelli í morgun.

mbl.is

Bloggað um fréttina

Innlent »

Jörð skelfur í Grindavík

Í gær, 21:55 Jarðskjálfti af stærð 3,5 mældist um kílómetra norðaustur af Grindavík á tíunda tímanum í kvöld. Hulda Rós Helgadóttir, náttúruvársérfræðingur hjá Veðurstofunni, segir skjálftann hafa fundist vel í bænum og fjölmargar tilkynningar hafi borist Veðurstofunni. Meira »

Íslendingur í annað sinn

Í gær, 21:48 Í lok árs veitti Alþingi 76 einstaklingum ríkisborgararétt. Hinir nýju Íslendingar koma hvaðanæva úr heiminum, til að mynda frá Líbíu, Sýrlandi og Austurríki. Uppruni eins hinna nýju ríkisborgara er þó óvenjulegri en flestra annarra. Það er María Kjarval, en hún er fædd á Íslandi árið 1952. Meira »

8-10 vikna bið eftir dagvistun

Í gær, 21:41 Biðtími eftir dagvistunarplássi fyrir yngstu börn í Hafnarfirði er á bilinu 8-10 vikur samkvæmt þeim biðlista sem eru upplýsingar um hjá daggæslufulltrúa Hafnarfjarðar. Þetta segir Einar Bárðarson, samskiptastjóri Hafnarfjarðar. Meira »

Páskaegg í búðir 10 vikum fyrir páska

Í gær, 21:17 Þrátt fyrir að enn séu um 10 vikur í páska eru páskaegg komin í sölu, alla vega í einni verslun Hagkaupa. Þegar ljósmyndara mbl.is bar að garði í verslun fyrirtækisins í Skeifunni var búið að koma upp einni appelsínugulri körfu þar sem hægt var að finna lítil páskaegg í stærð tvö. Meira »

Kastaðist út úr bílnum

Í gær, 20:44 Þyrla Landhelgisgæslunnar var kölluð út fyrr í kvöld eftir að bíll valt út af veginum um Lyngdalsheiði. Einn farþeganna kastaðist úr bílnum og var hann fluttur með þyrlunni á bráðamóttökuna í Fossvogi. Maðurinn er þó ekki talinn í lífshættu. Meira »

United Silicon ljúki öllum úrbótum

Í gær, 19:44 United Silicon fær ekki heimild til að hefja framleiðslu á ný fyrr en lokið hefur verið við nær allar þær úrbætur sem tilteknar eru í mati norska ráðgjafafyrirtækisins Multiconsult sem rannsakað hefur tækjabúnað fyrirtækisins. Þetta kemur fram í úrskurði Umhverfisstofnunar sem tilkynnt var um í dag. Meira »

Sindri Freysson fær Ljóðstaf Jóns úr Vör

Í gær, 18:44 Sindri Freysson fékk í dag afhentan Ljóðstaf Jóns úr Vör fyrir ljóðið Kínversk stúlka les uppi á jökli. Þetta er í sautjánda sinn sem Lista- og menningarráð Kópavogs afhendir Ljóðstaf Jóns úr Vör. Meira »

Mikil spenna og smá stress á Sundance

Í gær, 18:45 „Þetta er stórt skref og mikill heiður,“ segir Ísold Uggadóttir. Fyrsta kvikmynd hennar í fullri lengd, Andið eðlilega, keppir til aðalverðlauna á Sundance-kvikmyndahátíðinni í Park City í Bandaríkjunum á morgun. Meira »

Reynslusögur af daggæslu

Í gær, 18:38 Bið eftir leikskólaplássi er vandamál sem margir foreldrar kannast við þegar fæðingarorlofinu sleppir. Á dögunum var stofnaður á Facebook-umræðuhópur fyrir foreldra í þessari stöðu, og á örfáum dögum eru meðlimir komnir yfir þúsund. Meira »

Þyrlan í útkall á Lyngdalsheiði

Í gær, 18:16 Þyrla Landhelgisgæslunnar sótti einn slasaðan á Lyngdalsheiði rétt fyrir klukkan fimm í dag eftir að smárúta valt á heiðinni. Lenti þyrlan við Landspítalann um sexleytið. Meira »

Gul viðvörun víða um land

Í gær, 16:51 Búast má við áframhaldandi hvassvirðri á Suður- og Suðausturlandi í kvöld, nótt og fram frameftir annað kvöld. Þó mun hlýna og gera má ráð fyrir rigningu samhliða vindinum á morgun. Á Faxaflóasvæðinu er spáð hvassri austanátt síðdegis á morgun og er sérstaklega varað við snörpum vindhviðum við fjöll. Meira »

Benedikt og Frú Ragnheiður verðlaunuð

Í gær, 15:38 Uppreisnarverðlaunin voru veitt í fyrsta skipti til viðurkenningar á markverðu og óeigingjörnu starfi í þágu frjálslyndis og almannahagsmuna. Uppreisn, ungliðahreyfing Viðreisnar, veitir verðlaunin sem þakklætisvott í garð þeirra sem skarað hafa fram úr á framangreindum sviðum Meira »

Bíll valt í Norðurá

Í gær, 15:24 Tveir ferðamenn voru fluttir á slysadeild á Akureyri í hádeginu eftir að bíll þeirra valt í Norðurá í Skagafirði. Að sögn lögreglunnar á Sauðárkróki eru þeir ekki alvarlega slasaðir. Meira »

Segir grein Frosta rökleysu

Í gær, 12:54 Bryndís Haraldsdóttir, þingmaður Sjálfstæðisflokksins og bæjarfulltrúi í Mosfellsbæ, segir að borgarlína sé vitrænn háttur til að efla almenningssamgöngur á höfuðborgarsvæðinu. Hún gagnrýndi grein Frosta Sigurjónssonar, fyrrverandi þingmanns Framsóknarflokksins, um borgarlínu. Meira »

Banaslys á Arnarnesvegi

Í gær, 11:50 Ungur maður lést í bílslysi á Arnarnesvegi um hálfþrjú í nótt, samkvæmt upplýsingum frá aðalvarðstjóra í lögreglunni á höfuðborgarsvæðinu. Meira »

Frekari fregnir væntanlegar á morgun

Í gær, 13:44 Forsvarsmenn United Silicon fara nú yfir gögn en heimild til greiðslustöðvunar fyrirtækisins rennur út á morgun. Karen Kjartansdóttir, talsmaður fyrirtækisins, sagði að frekari fregnir væru væntanlegar á morgun en vildi að öðru leyti ekki tjá sig um málið. Meira »

Telur að hann eigi að fara út úr fjölmiðlum

Í gær, 12:01 Eyþór Arnalds sem sækist eftir oddvitasæti Sjálfstæðisflokksins í Reykjavík segist telja rétt að hann losi sig út úr fjölmiðlarekstri ef hann verður kjörinn borgarfulltrúi. Meira »

Borgarlína og spítali

Í gær, 11:13 Borgarlínan var mál málanna í þættinum Sprengisandi á Bylgjunni í morgun. Hilmar Þór Björnsson arkitekt fjallaði meðal annars um borgarlínuna, samgöngumál og þéttingu byggða. Jafnframt var spítalinn til umræðu. Meira »

Börnin sem kerfið gleymdi

Renault Megane 2007
Renault Megane 20007 - ekinn um 96.000 km, vel við haldið, skoðaður 2017, næsta ...
Útsala
Bókaútsala Mikið magn bóka á 500 kr. stk. Aðrar bækur með 25% afslætti Hjá Þorva...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
 
Styrkir 2018
Styrkir
Styrkir til verkefna í þágu barna á...
Félagsstarf aldraðra
Staður og stund
Aflagrandi 40 Opin vinnustofa kl. 9, jóg...
Skattadagurinn
Fundir - mannfagnaðir
SKATTADAGUR FLE Ráðstefna um skattam...
Aukatekjur vikulega
Önnur störf
Aukatekjur Morgunblaðið vantar fólk ...