Flugvél knúin sólarorku mun hefja sig til flugs á morgun og gera tilraun til að verða sú fyrsta sinnar tegundar til að fljúga umhverfis jörðina. Jón Björgvinsson, fréttaritari og ljósmyndari, og sonur hans, Daníel Jónsson rafmagnsverkfræðingur eru staddir í Abu Dhabi þar sem þeir vinna að undirbúningi flugsins.
Í dag staðfesti flugmaður vélarinnar að tilraunin muni hefjast á morgun, mánudag. Flugið er farið til að vekja athygli á vistvænum orkugjöfum.
„Það er mjög spennandi að sjá hvort þetta gengur upp,“ segir Jón Björgvinsson í samtali við mbl.is.
Verkefnið hefur verið í undirbúningi síðustu tíu ár, og hefur Jón tekið þátt í undirbúningnum með einum eða öðrum hætti síðustu árin. Lagt verður af stað frá Abu Dhabi á morgun og lent aftur í lok júlí eða byrjun ágúst á sama stað.
Frétt mbl.is: Undirbúa fyrsta hnattflugi í sólarflugvél