„Ég hef verið talsmaður þess að íslenska ríkisstjórnin tæki einhliða af skarið í þessa veru í ljósi framvindu mála allt frá árinu 2011 þegar ESB neitaði að afhenda rýniskýrslu sína um sjávarútvegsmál,“ segir Björn Bjarnason, fyrrverandi dómsmálaráðherra, á vefsíðu sinni í tilefni af ákvörðun ríkisstjórnarinnar um að draga umsóknina um inngöngu í Evrópusambandið til baka.

Björn segir að síðasta ríkisstjórn vinstriflokkanna hafi árangurslaust reynt að fá Evrópusambandið til þess að afhenda rýniskýrsluna. Össur Skarphéðinsson, þáverandi utanríkisráðherra, hafi síðan kynnt þá niðurstöðu í janúar 2013 að gera ætti hlé á viðræðunum við sambandið. „Þær hafa síðan legið í láginni, viðræðunefndir hafa verið afmunstraðar og ný framkvæmdastjórn ESB tilkynnti árið 2014 að ekki yrði unnið að frekari stækkun ESB fyrr en í fyrsta lagi eftir 2019.“

Björn segir að vilji stjórnarandstaðan ná sér niðri á ríkisstjórninni vegna þessa máls sé eðlilegt að það verði gert með tillögu um vantraust í stað þess að reyna að taka óskyld þingmál í gíslingu eins og hótað hafi verið. Það væri rétta leiðin í þeim efnum. Kjósendur felldu síðan sinn dóm í kosningum. Björn segir að lokum að gleðileg þáttaskil hafi orðið í málinu.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Sigurður Valgarður Bjarnason: Kosningaloforð