Ragnheiður Elín Árnadóttir, iðnaðar- og viðskiptaráðherra, sagði í samtali við Morgunblaðið í gær, (þegar komið var fram á nótt í Melbourne í Ástralíu, þar sem hún er stödd á jarðhitaráðstefnu) að það lægi fyrir að frumvarp hennar um náttúrupassa yrði ekki afgreitt sem lög á þessu þingi og hún hefði engin áform um að leggja frumvarpið fram aftur á næsta þingi.

Ráðherra sagði að leita yrði annarra leiða til þess að tryggja að staðinn yrði vörður um þær náttúruperlur sem væru á forræði ríkisins. „Viðfangsefnið fer ekki frá okkur þótt náttúrupassinn verði ekki að veruleika. Við berum enn ábyrgð á því að uppbygging á innviðum fari fram á ferðamannastöðunum. Þá ábyrgð munum við axla, óháð örlögum þessa frumvarps,“ sagði Ragnheiður Elín. Ráðherra sagði að stjórnvöld yrðu að hugsa uppbyggingu þeirra ferðamannastaða sem ríkið bæri ábyrgð á út frá þeirri ábyrgð.

„Það er það sem við erum að skoða núna og þá fjármögnun sem við verðum að afla til verkefnisins munum við tryggja úr ríkissjóði reynist ekki samstaða um aðrar fjármögnunarleiðir,“ segir Ragnheiður Elín Árnadóttir, iðnaðar- og viðskiptaráðherra.

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir