Misstu bílinn í sjóinn

Nýr veltibíll var tekinn í notkun í dag en við sama tilefni var gamla bílnum steypt í sjóinn við Sundahöfn til að sýna fram á mikilvægi bílbelta. Það heppnaðist vel en þegar draga átti bílinn á land vandaðist málið eins og sést á myndskeiðinu þar sem línan sem átti að hífa bílinn upp slitnaði.

Brautin bindindisfélag ökumanna notar veltibílinn til að sýna fram á mikilvægi þess að nota öryggisbelti en að sögn Einars Guðmundssonar, formanns Brautarinnar, hefur það komist í umræðuna að fólk sé betur sett án bílbelta lendi bílar í djúpu vatni. Því var brugðið á það ráð að setja gínur inn í bílinn ásamt myndavélum og honum steypt í sjóinn. Myndefnið verður svo notað í fræðsluefni. 

• 3 blogg um fréttina

Bloggað um fréttina

• Sigmar Þór Sveinbjörnsson: Virðingarvert framtak
• Kristján H. Kristjánsson: Rangt að bíða eftir að bíll fyllist af sjó
• Ómar Ragnarsson: Lífseigir fordómar.