Mál Ísfélags Vestmannaeyja hf. og Hugins ehf. gegn íslenska ríkinu, til viðurkenningar á bótaskyldu ríkisins vegna ákvörðunar sjávarútvegsráðherra um úthlutun makrílkvóta árið 2011, voru tekin fyrir í Héraðsdómi Reykjavíkur í gær.

Málunum var báðum frestað til hausts að beiðni lögmanna útgerðanna. Málin voru höfðuð í maí síðastliðnum, til viðurkenningar á bótaskyldu ríkisins vegna ákvörðunar sjávarútvegsráðherra um að ráðstafa aðeins hluta heildarmakrílaflans til skipa sem höfðu samfellda veiðireynslu frá árunum 2008-2011.

Útgerðirnar telja skip sín hafa uppfyllt lagaskilyrði um samfellda veiðireynslu og því hafi ráðstöfun ráðherra verið ólögleg. Honum hafi borið að taka tillit til veiðireynslu skipanna og deila út kvóta í samræmi við lagaákvæði um takmörkun veiða á deilistofnum, að því er fram kemur í umfjöllun um mál þetta í Morgunblaðinu í dag.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Óháð úttekt til að skapa sátt
• Þrjú útgerðarfélög fengu 21,5%

» Fleiri tengdar fréttir