Gæsluvarðhald í manndrápsmáli
Maður á fertugsaldri var handtekinn í gær og hefur hann nú verið úrskurðaður í gæsluvarðhald.
mbl.is/Júlíus
Setja bókamerki
Karlmaður á fertugsaldri, sem var handtekinn í gærkvöld grunaður um manndráp, hefur verið úrskurðaður í tveggja vikna gæsluvarðhald, eða til 6. nóvember.
Þetta kemur fram í tilkynningu frá lögreglunni á höfuðborgarsvæðinu.
Maðurinn er grunaður um að hafa orðið manni að bana í húsi við Miklubraut í Reykjavík í gærkvöld.
Lögreglu barst tilkynning um alvarlega líkamsárás í húsinu kl. 21:55. Þegar hún kom á staðinn örskömmu síðar fannst karlmaður um sextugt á staðnum. Hann hafði orðið fyrir líkamsárás og var úrskurðaður látinn á vettvangi.
Lagt var hald á eggvopn, sem grunur leikur á að hafi verið notað við verknaðinn. Hinn látni bjó í húsinu og meintur gerandi sömuleiðis, en enginn annar er grunaður í málinu.
„Það þarf að vinna mikinn fjölda upp“
Vona að Orkustofnun veiti ekki virkjunarleyfi
„Hvílir mikil leynd yfir þessu öllu“
Banna mengandi búnað sem leyfður er á Íslandi
Veiting hvalveiðileyfis ekki brot á EES-samningi
Tveir í bílnum sem lenti utan vegar
Skiptir miklu meira máli en fólk grunar
Kostnaður meiri en milljón á fermetra