Stendur við ummæli um RÚV

Höfuðstöðvar RÚV í Efstaleiti.
Höfuðstöðvar RÚV í Efstaleiti. mbl.is/Eggert Jóhannesson

Guðlaugur Þór Þórðarson, varaformaður fjárlaganefndar, stendur við ummæli um að hann telji fulltrúa RÚV hafa veitt fjárlaganefnd rangar upplýsingar varðandi skilyrt aukaframlag til RÚV að fjárhæð 182 milljónir í ár. 

Fram kom á vef RÚV í kvöld að fjármálaráðuneytið teldi RÚV hafa uppfyllt skilyrði vegna skilyrts aukaframlags til RÚV að fjárhæð 182 milljónir í ár. Fjallað hefur verið um málið á mbl.is.

Byggist fréttin á svari ráðuneytisstjóra og skrifstofustjóra fjárlagaskrifstofu ráðuneytisins við fyrirspurn RÚV.

Sagt var að ráðuneytið teldi að upplýsingagjöf hafi verið með réttum hætti. Tilefnið eru þau ummæli Guðlaugs Þórs Þórðarsonar, varaformanns fjárlaganefndar, í Morgunblaðinu síðastliðinn þriðjudag að fulltrúar RÚV hafi veitt nefndinni rangar upplýsingar í málinu sl. vor.

Haft var eftir Magnúsi Geir Þórðarsyni útvarpsstjóra í Morgunblaðinu á miðvikudag að brugðist yrði við þessari fullyrðingu þingmannsins.

Á eftir að afgreiða málið

Spurður um fullyrðingar hans í Morgunblaðinu minnti Guðlaugur Þór á að ráðherranefnd um ríkisfjármál eigi að taka aukaframlagið til afgreiðslu.

„Forystumenn Ríkisútvarpsins sögðu í fjárlaganefnd að þeir hefðu fengið staðfestingu í pósti frá fjármálaráðuneytinu 26. mars 2015 um að þeir hefðu uppfyllt skilyrðin. Það er ekki rétt. Allir sem lesa tölvupóstinn sjá að hann staðfestir ekki það. Þvert á móti er verið að senda gögnin og hugsanlega biðja um viðbótargögn til að senda til ráðherranefndar um ríkisfjármál. Í bókun með fjárlögunum kemur einmitt fram að það er sú nefnd sem þarf að staðfesta skilyrðin. Það er algjörlega kýrskýrt að Ríkisútvarpið gaf ekki réttar upplýsingar fyrir fjárlaganefndinni,“ segir Guðlaugur Þór.

Málin komin í annan farveg

Umræddir tölvupóstar voru milli Ingvars Hrafns Óskarssonar, sem hætti á mánudaginn var sem formaður stjórnar RÚV, og starfsmanns fjármálaráðuneytisins.  

Póstur Ingva Hrafns var svohljóðandi: „Í fjárlögum liggur fyrir í greinargerð skilyrði sem lúta að fjárveitingu til Ríkisútvarpsins ohf. og þar á meðal um tiltekna upplýsingagjöf sem kveðið er á um að skuli eiga sér stað fyrir næstu mánaðamót. Málin hafa hins vegar farið í nokkuð annan farveg en greinargerðin mælir fyrir um. Starfshópur á vegum fjármálaráðherra, forsætisráðherra og menntamálaráðherra hefur að undanförnu farið yfir og greint fjárhagsupplýsingar og rekstraráætlanir félagsins og ráðstafanir vegna fjárhagsstöðunnar eru til skoðunar.

Með þessum tölvupósti óskast staðfest af hendi fjármálaráðuneytisins að ekki sé krafist að Ríkisútvarpið leggi fram sérstaka rekstraráætlun til viðbótar við þau gögn sem þegar hafa verið kynnt framangreindum vinnuhópi, og að RÚV teljist ekki hafa brotið gegn skilyrðum fjárlaga með því að leggja ekki fram umrædda rekstraráætlun á þessu stigi.“

„Hópurinn hefur gögnin til skoðunar“

Svaraði fulltrúi ráðuneytisins bréfinu með þessum orðum:

„Ég get staðfest að starfshópur á vegum ráðuneytanna þriggja hefur móttekið gögn frá Ríkisútvarpinu ohf. í samræmi við þau skilyrði sem fjárlaganefnd setti í nefndaráliti við aðra umræðu fjárlaga. Hópurinn hefur haft gögnin til skoðunar og ekki er útilokað að hópurinn óski eftir viðbótargögnum áður en málið verður lagt fyrir ráðherranefnd um ríkisfjármál.“

Guðlaugur Þór ítrekar þau ummæli sín að svar ráðuneytisins sé ekki í samræmi við fullyrðingar forystumanna RÚV.

Þá rifjar Guðlaugur Þór það skilyrði með aukaframlaginu að rekstraráætlanir um starfsemi RÚV skuli liggja fyrir eigi síðar en í lok mars 2015 og skuli yfirfarnar af ráðherranefnd um ríkisfjármál. Verði það mat nefndarinnar að þær áætlanir dugi ekki til þess að ná markmiðum um sjálfbæran rekstur stofnunarinnar hafi verið áformað að fyrrgreind fjárheimild verði felld niður í fjáraukalögum fyrir árið 2015.

mbl.is

Innlent »

Þróa kerfi til að tryggja velferð barna

12:30 Félagsmálaráðuneytið, Kópavogsbær, hugbúnaðarfyrirtækið Kara Connect og UNICEF á Íslandi hafa undirritað samstarfssamning um að hefja vinnu við þróun samræmds upplýsingakerfis sem ætlað er að tryggja velferð barna á Íslandi. Meira »

„Umræðan verið nokkuð harkaleg“

12:00 Kristján Þór Júlíusson, sjávarútvegs- og landbúnaðarráðherra, átti í dag fund með helstu hagsmunaaðilum í uppbyggingu fiskeldis. Tilefni fundarins var samþykkt Alþingis í síðustu viku á tveimur frumvörpum um fiskeldi, annars vegar um gjaldtöku og hins vegar um breytingar á ýmsum lögum um fiskeldi. Meira »

Lið Toyota leiðir áheitasöfnunina

11:54 Lið World Class, Airport Direct og Advania, sem fara fremst í flokki í WOW Cyclothon, renndu framhjá Goðafossi klukkan 7:30 í morgun, en ræst var út í liðakeppni frá Egilshöll í gærkvöldi. Meira »

Tjá sig ekki um svar stjórnar LV

11:30 Stjórn Lífeyrissjóðs verslunarmanna (LV) sendi Fjármálaeftirlitinu (FME) í gær svar við fyrirspurn FME vegna mats stjórnarinnar á lögmæti þess að fulltrúaráð VR hefur ákveðið að afturkalla umboð fjögurra stjórnarmanna sem félagið tilnefnir í stjórn LV. Boltinn er hjá FME, að sögn formanns stjórnar. Meira »

Friðlýsing verði lögð fram á haustþingi

11:02 Fulltrúar Landverndar munu síðar í dag afhenda undirskriftir rúmlega fimmþúsund Íslendinga sem vilja að friðlýsingu Drangajökulsvíðerna, sem innifelur athafnasvæði Hvalárvirkjunar, verði hraðað. Fer hópurinn fram á að hægt verði að leggja friðlýsinguna fyrir Alþingi á haustþingi. Meira »

Skráðum kynferðisafbrotum fjölgar

10:55 Fækkun varð á skráðum fíkniefnabrotum á höfuðborgarsvæðinu í maí en mikil fjölgun á skráðum kynferðisafbrotum. Þetta er meðal þess sem fram kemur í mánaðarskýrslu lögreglustjórans á höfuðborgarsvæðinu fyrir maí 2019. Meira »

Meindýraeyðir man eftir fyrsta lúsmýinu

10:08 „Þetta er þetta helvítis lúsmý,“ sagði húsmóðir í Grafarvogi við meindýraeyði árið 2013. Ekki orðrétt, samt. Á þessum tíma var ekki komið íslenskt orð yfir þessa pöddu, sem gerir fólki nú lífið leitt. Meira »

Eldur í rjóðri við FSu

10:03 Brunavörnum Árnessýslu barst tilkynning um eld í rjóðri við Fjölbrautarskóla Suðurlands um miðnætti í nótt. Dælubíll og slökkviliðsmenn frá Selfosseiningu slökkviliðsins voru sendir á vettvang til þess að ráða niðurlögum eldsins. Meira »

Sprengisandsleið opnuð

10:01 Fært er nú yfir Sprengisand, en það var í gær sem Vegagerðin gaf út tilkynningu þess efnis. Unnið hafði verið síðustu daga að því að gera leiðina klára, en vegheflar voru sendir út á mörkina að sunnan frá Hrauneyjum og að norðan úr Bárðardal. Meira »

Sex ár fyrir tilraun til manndráps

09:20 Sindri Brjánsson, karlmaður á þrítugsaldri, hefur verið dæmdur í sex ára fangelsi fyrir tilraun til manndráps og vopnalagabrot, en hann stakk annan mann ítrekað í höfuð og búk fyrir utan Arion banka á Akureyri 3. nóvember síðastliðinn. Meira »

Atvinnuleysi eykst

09:17 4,7% atvinnuleysi var í maí, samkvæmt árstíðaleiðréttingu Hagstofu Íslands. Að jafnaði voru 210.200 manns á aldrinum 16–74 ára á vinnumarkaði í maí 2019. Það jafngildir 82,4% atvinnuþátttöku. Meira »

„Bullandi meðvindur“ í Reykjadal

08:36 Betur viðrar nú á hjólaliðin í A- og B-flokki en fremstu lið nálgast nú Laugar í Reykjadal í „bullandi meðvindi“ að sögn liðsmanna Airport Direct. Hópur af kindum hægði á ferð Chris Bukard í morgun þar sem þær fóru heldur hægar yfir en hann á hjólinu. Meira »

Kúlan ekki úr eynni fyrr en 2047

08:18 Listaverkið „Orbis et Globus“, er ekki á leiðinni úr Grímsey í bráð, að minnsta kosti ekki fyrr en árið 2047 þegar heimskautsbaugurinn yfrgefur eyna. Þetta staðfestir María Helena Tryggvadóttir, verkefnastjóri ferðamála á Akureyrarstofu. Meira »

Fylgjast með ferðaþjónustu

07:57 Sérstakt eftirlit verður í sumar af hálfu vettvangseftirlits ríkisskattstjóra með starfsemi tengdri ferðaþjónustu. Þar er með talin starfsemi erlendra ferðaþjónustuaðila á Íslandi, en að minnsta kosti tveir hópar munu á vegum embættis RSK fara í sérstakar eftirlitsferðir í öllum landsfjórðungum. Meira »

105.000 krónur fyrir fram

07:37 „Við lítum svo á að þetta standi öllum þeim sem eru með lausa kjarasamninga hjá okkur til boða,“ segir Sverrir Jónsson, formaður samninganefndar ríkisins, um samkomulag um frestun kjaraviðræðna fram í ágúst. Meira »

Sea Shepherd í Reykjavíkurhöfn

07:30 Liðsmenn Sea Shepherd, samtaka aðgerðasinna sem m.a. berjast fyrir verndun hvala, eru komnir hingað til lands. Skip þeirra, MV Brigitte Bardot, lagðist að bryggju í Reykjavíkurhöfn í fyrradag, skammt frá hvalveiðiskipum Hvals hf. Meira »

Fer yfir 25 stig í dag

06:56 Hiti fór yfir 20 stig austanlands í gær og gera spár ráð fyrir að hann gæti farið yfir 25 stig á stöku stað þar í dag. Um helgina er útlit fyrir kólnandi veður og að á Norðausturlandi fari hitinn ekki yfir 7 stig. Meira »

Eiríkur hættur keppni

05:36 Eiríkur Ingi Jóhannsson er hættur keppni í einstaklingsflokki í WOW Cyclot­hon-keppninni, samkvæmt færslu á Facebook-síðu hans. Meira »

Samþykktu deiliskipulag Stekkjarbakka

05:30 „Elliðaárdalurinn er eins og Central Park í New York nema Elliðadalurinn er miklu merkilegri,“ segir Eyþór Arnalds, borgarfulltrúi Sjálfstæðisflokksins, en hann og aðrir fulltrúar í minnihluta greiddu atkvæði gegn nýju deiliskipulagi fyrir nýtt þróunarsvæði á Stekkjabakka í skipulags- og samgönguráði í gær. Meira »
NP þjónusta
NP Þjónusta Annast liðveislu við bókhaldslausnir o.fl. Hafið samband í síma 831-...
KERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...