Óskað er eftir leiguíbúðum fyrir flóttafólkið sem er væntanlegt til landsins um miðjan desember og mun setjast að í Kópavogi. Á vefsíðu bæjarins kemur fram að óskað sé eftir þriggja til fimm herbergja íbúðum til langtímaleigu frá og með 1. desember.

Flóttamannanefnd hefur lagt til að 55 sýrlenskum flóttamönnum verði boðið að koma hingað til lands. Fólkið dvel­ur nú í flótta­manna­búðum í Líb­anon. Helm­ing­ur fólks­ins fer til Ak­ur­eyr­ar, einn fjórði til Hafn­ar­fjarðar og jafn stór hluti til Kópa­vogs­bæj­ar.

Að sögn Sigríðar Bjargar Tómasdóttur verður að sjálfsögðu tryggt að búið verði að útvega húsnæði fyrir fólkið áður en það kemur til landsins. Verið er að undirbúa komu þess með ýmsum hætti og hefur meðal annars verið stofnaður bakhópur vegna málsins. Segist Sigríður vonast eftir góðum viðbrögðum við auglýsingunni um húsnæði. 

Upplýsingar um íbúðir óskast sendar til Ágústs Steindórssonar á netfangið agust@kopavogur.is fyrir 15. nóvember nk.

Tengdar fréttir

Flóttafólk á Íslandi

„Minn tími er ekki búinn“

• Hefur kostað samtals 10,5 milljarða
• Ekki litið svo á að logið sé til um aldur
• Ráðuneytið sendi listann í desember
• Kæra á hendur Semu og Maríu „fabúleringar“

» Fleiri tengdar fréttir

• 2 blogg um fréttina

Bloggað um fréttina

• Jóhann Kristinsson: Af hverju getur Góða Gáfaða Fólkið ekki gert neitt rétt?
• Valdimar Samúelsson: Óska eftir íbúðum fyrir fátæka Íslendingar sem eru á götunni. …