Skipverjar á Þórunni Sveinsdóttur VE fengu nýlega óvenjulegan fisk í trollið er þeir voru að veiðum suðvestur af Surtsey. Fram kemur á vef Sæheima í Vestmannaeyjum að umræddur furðufiskur hafi reynst vera kjáni af kjánaætt.

Þar kemur fram að fiskar þessarar ættar eru botnfiskar og lifa sumir allt niður á 2.000 metra dýpi. Kjáninn er eina tegund þessarar ættar sem hefur veiðst á Íslandsmiðum og hafa nokkrir slíkir veiðst á Íslandsmiðum. Þeir fiskar sem hafa veiðst hér við land hafa verið á 220 til 1050 metra dýpi, en kjáninn sem þeir á Þórunni veiddu var á um 600 metra dýpi, segir á vef Sæheima.

Tengdar fréttir

Furðufiskar

Óvæntur snigill frá N-Ameríku í Breiðafirði

• Landa sífellt meira af hinum ófríða snarphala
• Jónbjörn var enga stund að tegundargreina þverhyrnu
• Grannvaxinn og ófrýnilegur
• Var talin óæt og sögð hverfa við suðu

» Fleiri tengdar fréttir