Rannsókn lögreglunnar á Austurlandi á smygli hollenskra hjóna á fíkniefnum í húsbíl með Norrænu í september er á lokastigi og gæti málið farið til ríkissaksóknara eftir tvær vikur. Maðurinn sætir gæsluvarðhaldi til 2. desember og farbann yfir konunni hefur verið framlengt til sama dags.

Maðurinn hefur játað að hafa vitað af efnunum en konan hefur neitað vitneskju um þau. Þau eru bæði fædd árið 1970. Mikið magn af fíkniefnum MDMA fannst í húsbíl fólksins en efnin fundust þegar tollverðir tóku fólkið í úrtaksleit.

Við leit í bifreiðinni fundust 14 niðursuðudósir sem maðurinn sagði að innihéldu fíkniefni. Við grófa rannsókn lögreglu kom í ljós að hver dós innihélt um 800 grömm af óþynntu MDMA, eða samtals 11,2 kíló. Miðað við þyngd varadekksins og gaskútanna má áætla að í þeim hafi verið falin um það bil 70 kíló af ætluðum fíkniefnum.

Tengdar fréttir

Hollenskt par smyglaði fíkniefnum í húsbíl

Átta og hálft ár fyrir dópsmygl

• Fer fram á allt að 12 ára fangelsi
• Eiga yfir höfði sér allt að 12 ára fangelsi
• Ætluðu til Spánar en enduðu á Íslandi
• Konan sæti áfram farbanni

» Fleiri tengdar fréttir

• Blogga um frétt