Íslensk tunga á stutt eftir

Úlfar Erlingsson, forstöðumaður tölvuöryggisrannsókna hjá Google, segir íslenskuna vera nánast dauða og ekki koma til með að lifa mikið lengur enda alast íslensk börn upp í ensku umhverfi.

Er íslenskan, að sögn hans, í sambærilegri stöðu og velska á Bretlandi, að því er fram kemur í fréttaskýringu um mál þetta í Morgunblaðinu í dag.

„Þetta er augljóst í augum allra þeirra sem eiga ung börn sem alast upp við að horfa á myndefni á YouTube eða Netflix. Tæknibylting nútímans býður hins vegar upp á að tölvan fari í hlutverk eins konar babelfisks sem túlkað getur sjálfkrafa fyrir okkur,“ segir Úlfar. í samtali við Morgunblaðið.