Fjárfestirinn Skúli Þorvaldsson neitaði að svara spurningum saksóknara í Chesterfield-málinu sem nú er fyrir héraðsdómi, en Skúli er með réttarstöðu grunaðs manns í öðru máli sem er til rannsóknar hjá embætti sérstaks saksóknara og var nýlega dæmdur í svokölluðu Marple-máli.

Dómari fór yfir réttindi hans sem almenns vitnis þegar Skúli settist í dómsalnum en að því loknu spurði Skúli: „Er þetta allt?“ Dómari málsins, Pétur Guðgeirsson, hváði og útskýrði Skúli fyrir honum réttarstöðu sína í öðrum málum. Sagði Pétur honum þá réttindi sín samkvæmt því, en þá er vitni ekki skylt að tjá sig um atriði sem gætu mögulega komið sök á hann í öðrum málum.

Þegar saksóknari hóf spurningar sínar nýtti Skúli sér það og sagðist ekki ætla að svara neinum spurningum. Sagði hann að svör sín væri hægt að misskilja og mistúlka. Saksóknari sagðist þá ekki eiga von á að yfirheyrslan skilaði miklu og hann hefði ekki frekari spurningar.

Skúli er eigandi félagsins Holly Beach, en það félag fékk lánaða nokkra milljarða vegna viðskipta með láns­hæfistengt skulda­bréf, sem tengt var skulda­trygg­inga­álagi Kaupþings.

Tengdar fréttir

Kaupþingsmenn fyrir dómi

„Ánægjuleg niðurstaða sem kemur ekki á óvart“

• MDE: Brotið á réttindum Bjarka í Kaupþingsmáli
• Endurupptökubeiðni Einars Pálma hafnað
• Mál Ingólfs og Bjarkar fyrir MDE
• Bótamál gegn fyrrverandi stjórnendum felld niður

» Fleiri tengdar fréttir

Chesterfield-málið

Hreiðar og Magnús sakfelldir en Sigurður sýknaður

• Kunnuglegu nafni bregður fyrir í Landsrétti
• CLN-máli áfrýjað til Landréttar
• Ríkið hefur greitt á sjötta tug milljóna
• Allir sýknaðir í CLN-máli

» Fleiri tengdar fréttir

• Blogga um frétt