Nokkrar tafir hafa orðið á siglingum skipa Eimskips og Samskipa undanfarið vegna vonskuveðurs á Norður-Atlantshafi.

Upplýsingafulltrúar fyrirtækjanna áætla að tafir sem komi fram í þessari viku og næstu nemi nú að jafnaði um hálfum öðrum sólarhring. Eimskip er með átta skip í reglubundnum siglingum til og frá Íslandi og Samskip fjögur.

Nánast engin óhöpp urðu hjá fyrirtækjunum í óveðrinu í fyrradag, að undanskildu hliði sem gaf sig hjá Samskipum í Vestmannaeyjum og að tveir tómir gámar Eimskips færðust úr stað í Sundahöfn, að því er fram kemur í Morgunblaðinu í dag.

Tengdar fréttir

Óveður í desember 2015

20-25 bótaskyld tjón á Austurlandi

• Þak fauk af húsi á Egilsstöðum
• Norðaustan og ófærð í kortunum
• Stormviðvörun frá Veðurstofunni
• Vilja nýjan varnargarð í forgang

» Fleiri tengdar fréttir