Guðjón Arngrímsson, upplýsingafulltrúi Icelandair segir sátt hafa náðst milli flugfélagsins og Drew Graham, eiganda rafmagnshjólastóls sem eyðilagðist þegar verið var að flytja hann um borð í vél fyrirtækisins. Það liðu því ekki nema 10 klukkustundir frá því færsla Gary Graham um málið birtist þar til sættir náðust en þar áður höfðu viðræður staðið yfir í þrjár vikur.
Upphaflega hafði fyrirtækið boðið Graham 1.000 pund í bætur fyrir stólinn sem Graham sagði 20 þúsund punda virði.
„Við höfum verið í sambandi við fjölskylduna og það eru allir sammála um að leysa úr þessu í sátt og samlyndi,“ segir Guðjón. Hann segir fyrirtækið nú eiga góð samskipti við fjölskylduna að nýju og að full sátt hafi náðst en gefur þó ekki upp í hverju sáttin felst.
Eins og áður hefur komið fram fylltust Facebook og Twitter síður Icelandair af kvörtunum en fyrirtækið hefur nú tekið tilvið að svara hverri og einni.
@FChick1 We apologize for the damage to Drew’s wheelchair. We worked with him to rectify the situation & assure it won't happen again.
— Icelandair (@Icelandair) January 6, 2016
@NatanKol Sæll Natan. Við höfum verið í sambandi við Drew og erum að leysa úr málinu í sátt og samlyndi.
— Icelandair (@Icelandair) January 6, 2016
Fréttir mbl.is:
Icelandair á kafi í kvörtunum
„Vert að huga að tryggingum“