Tveir strætisvagnar lentu í árekstri við gatnamót Snorrabrautar og Eiríksgötu í Reykjavík fyrir skömmu. Talsverðar tafir urðu á umferð vegna þessa en önnur akbraut Snorrabrautar er lokuð vegna óhappsins.
Samkvæmt lýsingum blaðamanns Morgunblaðsins, sem staddur var á vettvangi skömmu eftir óhappið, eru báðir strætisvagnar nokkuð skemmdir eftir áreksturinn. Sá aftari er með brotna framrúðu og talsvert skemmdur á framenda eftir að hafa gengið inn í vélarhúdd fremri vagnsins.
Ekki er vitað með slys á fólki að svo stöddu.
Uppfært klukkan 17:37
Samkvæmt upplýsingum frá slökkviliðinu á höfuðborgarsvæðinu reyndist ekki þörf á aðstoð sjúkrabíla vegna slyssins.