Meðferð endurupptökunefndar á beiðnum sakborninga í Guðmundar- og Geirfinnsmálunum og al-Thani-málinu um endurupptöku stendur enn yfir og ekki liggur fyrir hvenær henni lýkur, samkvæmt heimildum mbl.is. Málin eru afar umfangsmikil og þarf nefndin af fara yfir hátt í sex þúsund blaðsíður texta í fyrrnefndu málunum.

Davíð Þór Björgvinsson, settur ríkissaksóknari í Guðmundar- og Geirfinnsmálunum, komst að þeirri niðurstöðu að rök séu fyrir endurupptöku á máli Sævars Ciesielskis, Tryggva Rúnars Leifssonar, Guðjóns Skarphéðinssonar og Alberts Klahns Skaftasonar. Hann taldi hins vegar að ekki væru næg rök fyrir endurupptöku á máli Erlu Bolladóttur. Kristján Viðar Viðarsson fór ekki fram á endurupptöku.

Hreiðar Már Sigurðsson, fv. bankastjóri Kaupþings, Sigurður Einarsson, fv. stjórnarformaður bankans, og Ólafur Ólafsson, einn eigenda bankans, sem sakfelldir voru í al-Thani-málinu sendu endurupptökunefnd einnig beiðni um að mál þeirra væru tekin upp að nýju.

Tengdar fréttir

Al Thani-málið

Yfirdeild MDE tekur Al-Thani málið fyrir á morgun

• Boðar ný gögn í málinu
• Ekki kerfisbrestur segir ráðherra
• Segir ríkið eiga næsta leik
• Gefi vonir um endurupptöku málsins

» Fleiri tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• Blogga um frétt