Flóttafólkið frá Sýrlandi var boðið formlega velkomið til Akureyrar í Viðjulundi, húsnæði Rauða krossins á Akureyri, í dag. Bæjarstjóri Akureyrar, Eiríkur Björn Björgvinsson, bauð hópinn velkominn og þá tóku einnig til máls formaður Rauða kross Íslands og Eyjafjarðardeildar Rauða krossins.

Eftir ávörp var matarboð og segir blaðamaður mbl.is á staðnum að allir hafi verið glaðir. Þá hafi börn, sem mörg hver voru orðin nokkuð syfjuð og þreytt í gær við komuna verið mjög hress og kát.

Í móttökunni í dag voru einnig stuðningsfjölskyldur sem munu vera flóttafólkinu innan handar á komandi dögum og misserum.

Fólkið nýtti daginn meðal annars í að taka upp úr töskum sínum og koma sér fyrir á nýjum stað. Þá var farið með það í matvöruverslun, en það hefur þó ekki enn haft mikinn tíma til að skoða sig um í bænum.

Frétt mbl.is: Fjölskyldurnar komnar til Akureyrar

Tengdar fréttir

Flóttafólk á Íslandi

„Minn tími er ekki búinn“

• Hefur kostað samtals 10,5 milljarða
• Ekki litið svo á að logið sé til um aldur
• Ráðuneytið sendi listann í desember
• Kæra á hendur Semu og Maríu „fabúleringar“

» Fleiri tengdar fréttir

• Blogga um frétt