Húsnæðisbætur sem leysa eiga húsaleigubætur af hólmi verða að óbreyttu skattskyldar tekjur hjá þeim sem veita þeim viðtöku.
Þetta kemur fram í umsögn Skúla Eggerts Þórðarsonar ríkisskattstjóra um frumvarp félags- og húsnæðismálaráðherra sem er til umfjöllunar í velferðarnefnd Alþingis.
Í fréttaskýringu um mál þetta í Morgunblaðinu í dag bendir Skúli Eggert á að í frumvarpinu sé ekki að finna ákvæði um undanþágu og að „hinar nýju bætur teljast skattskyldar tekjur hjá þeim sem veittu þeim viðtöku“.