Aldan skall á stuðlaberginu

Maðurinn stóð í klettum en féll í sjóinn eftir að ...
Maðurinn stóð í klettum en féll í sjóinn eftir að alda skall á klettunum. Myndin er úr safni. mbl.is/RAX

Bryndís Fanney Sveinsdóttir, í svæðisstjórn Landsbjargar og í björgunarsveitinni Víkverja í Vík í Mýrdal, telur að þörf sé á landverði á svæðið við Reynisfjöru. Hún segir staðinn ágætlega merktan og viðvaranir um hugsanlega lífshættu ættu ekki að fara framhjá þeim sem eiga leið um svæðið. „Þú sérð eldfjallið ekkert betur þó að þú brennir þig,“ segir hún í samtali við mbl.is um hætturnar í Reynisfjöru.

Banaslys varð í fjörunni í morgun þegar karlmaður, sem var á ferð með eiginkonu sinni, féll úr stuðlabergi og niður í sjóinn eftir að alda skall á klettinum. Aðstæður voru góðar; lygn sjór, bjart og nokkuð stillt veður.

Frétt mbl.is: Banaslys í Reynisfjöru

„Varúð, lífshætta. Öldurnar geta verið ófyrirsjáanlegar og óvæntar. Sjávarstraumar eru einstaklega sterkir. Farið því ekki nærri sjónum. Varist grjóthrun úr fjallinu,“ segir á skilti sem blasir við þeim sem leggja leið sína í fjöruna og sjá má á mynd sem fylgir fréttinni. Varað er við hættunni á nokkrum tungumálum.

Uppfært kl. 15.47

Skiltinu var skipt út fyrir rúmu ári síðan. Jónas Guðmundsson hjá Slysavarnarfélaginu Landsbjörg segir í samtali við mbl.is að um samstarfsverkefni Kynnisferða, Sjóvá, Mýrdalshrepps, lögreglunnar á Suðurlandi og Landsbjargar hafi verið að ræða. 

Ákveðið var, í samráði við Vegagerðina, að afmarka bílastæðin þannig að fólk gengi frekar framhjá viðvörunar- og upplýsingaskiltinu. Textinn sem nefndur er hér að ofan var skipt út fyrir nokkrar skýringarmyndir með stuttum texta og segir Jónas það meðal annars hafa verið gert til að mæta þörfum þeirra sem hafi litla enskukunnáttunni. 

Þá var svokölluðu Björgvinsbelti, björgunarlykkju, komið fyrir við fjörubrúnina. Erfitt geti þó reynst að hafa skilti og aðra hluti í fjörunni því sjórinn grafi undan undanstöðunum og rífi þá að lokum til sín. 

Vill fá landvörð í fjöruna

Bryndís segir að öryggismál í Reynisfjöru hafi mikið verið rædd innan Víkverja. Eina kastlínu er að finna í fjörunni og stendur til að bæta fleirum við. Hún tekur fram að fleiri línur hefðu þó ekki bjargað manninum í morgun, ekki hefði verið hægt að ná til hans. Þá hefur einnig verið rætt um að fjölga skiltum. Bryndís tekur fram að svæðið sé ágætlega merkt og viðvaranir ættu ekki að fara framhjá þeim sem eiga leið um það.

„Mín skoðun er sú að við eigum að vera með landvörð niðri í Reynisfjöru. Það er mikilvægara að vera með landvörð þar heldur en alla þessa landverði sem eru að passa mosann uppi á hálendinu. Ég met mannslíf meira en náttúruna þó ég sé náttúruverndarsinni,“ segir Bryndís.

Hún bætir við að það hljóti að vera æskilegt að vera með landvörð á svæði sem mörg hundruð manns heimsæki á degi hverjum. Í gær fóru 1284 bílar um Reynisfjall og segir Bryndís að gera megi ráð fyrir að minnsta kosti helmingur þeirra sem í þeim voru hafi heimsótt fjöruna.

Viðvörunarskilti í Reynisfjöru.
Viðvörunarskilti í Reynisfjöru. Ljósmynd/Landsbjörg

Alveg nóg að vera á fjörukambinum

Bryndís segir að gott hafi verið í sjóinn í morgun og hann hafi í raun ekki verið jafn ládauður í allan vetur og í dag. „Það kemur eitt lítið brot og brýtur akkúrat á klettinum þar sem hann stendur,“ segir hún.

Aðspurð um hvort ferðamaðurinn hafi verið á stað sem hann átti ekki að vera á bendir hún á að svæðið sé vissulega ekki lokað og ekkert segi að hann megi ekki vera þarna. „Þetta er auðvitað hættulegur staður, sjórinn er hættulegur,“ bætir hún við.

„Ef þú ferð göngustíginn fram á fjörukambinn sérð þú ekkert meira þó að þú farir í klettana eða flæðarmálið. Það er nóg að fara í fjörukambinn, þá ert þú kominn með allt sem þú sérð. Þú sérð drangann alveg jafn vel hvort sem þú stendur á öruggum stað eða ferð niður í flæðarmáið. Það virðist vera þessi tilhneiging að þurfa alltaf að komast nær. Þú sérð eldfjallið ekkert betur þó að þú brennir þig,“ segir Bryndís að lokum.

Frétt mbl.is: Með heilu þorpin á flakki

Viðvörunarskilti í Reynisfjöru. Því hefur nú verið skipt út fyrir ...
Viðvörunarskilti í Reynisfjöru. Því hefur nú verið skipt út fyrir annað með myndum og styttri texta. mbl.is/Jónas Erlendsson
mbl.is

Innlent »

Óvissustig í Ólafsfjarðarmúla

16:20 Siglufjarðarvegur er enn lokaður vegna snjóflóðahættu og óvissustig gildir í Ólafsfjarðarmúla vegna snjóflóðahættu, samkvæmt upplýsingum frá Vegagerðinni. Veðurspáin hefur hins vegar skánað fyrir morgundaginn. Meira »

Gera kröfu í dánarbú meints geranda

15:32 Óskað verður eftir opinberri rannsókn á meintum fjárdrætti fyrrverandi starfsmanns Malbikunarstöðvarinnar Höfða hf. á árunum 2010-2015. Lögmanni Höfða hefur verið falið að gera kröfu í dánarbú meints geranda. Meira »

Látinn laus í Malaga

14:50 Íslenskum karlmanni á fertugsaldri, sem Fréttablaðið greindi frá því í gær að hefði verið úrskurðaður í gæsluvarðhald í Malaga á Spáni, grunaður um alvarlegt ofbeldisbrot gegn þrítugri eiginkonu sinni, hefur verið sleppt úr haldi. Meira »

Allt uppselt á innan við klukkustund

14:26 Bræðurnir Daníel Ólafur og Róbert Frímann voru fyrir jól í gönguferð um Gróttu ásamt föður sínum þegar Róbert stakk upp á því að hefja sölu á kakói í Gróttu. Svo bættust kleinur við og í dag mættu þeir í annað skiptið að selja til gesta og gangandi. Þeir hafa vart undan og uppselt var strax. Meira »

Pólitískt val að halda fólki í fátækt

13:43 Málefni öryrkja eru sífellt í brennidepli. Enginn óskar sér að lenda í þeirri stöðu, eins og formaður Öryrkjabandalagsins orðar það, og algjörlega óviðunandi að ákveðinn hópur Íslendinga hafi ekki efni á að lifa mannsæmandi lífi. Meira »

Leitar sátta í stjórnarskrármálum

13:18 Fjármálastefna ríkisins verður fyrsta málið sem lagt verður fram á þingi eftir jólafrí. Þetta segir Katrín Jakobsdóttir forsætisráðherra en hún var gestur Víglínunnar á Stöð 2 í dag. Þing kemur saman á ný eftir jólafrí á mánudaginn og mun veturinn, að sögn Katrínar, einkennast af því að lagt verði af stað í ýmis stór verkefni til framtíðar, auk þess sem fjármál ríkisins verða fyrirferðarmikil á fyrstu vikum ársins. Meira »

Borgarlínan „skynsamlegasta lausnin“

12:18 Bryndís Haraldsdóttir, bæjarfulltrúi Sjálfstæðisflokksins í Mosfellsbæ, segir að þó að borgarlínan sé ekki lausn við öllu í tengslum við samgöngur á höfuðborgarsvæðinu sé hún „algjörlega hluti af lausninni“. Segir hún að sjálfkeyrandi bílar breyti þar engu um, enda þurfi þeir líka rými á vegunum. Meira »

Þarf að greiða alla skuldina

12:46 Hæstiréttur sneri í vikunni við úrskurði héraðsdóms um að lækka skuld fyrrverandi starfsmanns eiginfjárfestinga Landsbankans sem hlaut níu mánaða dóm í markaðsmisnotkunarmáli Landsbankans í febrúar árið 2016. Var manninum gert að greiða 22,6 milljónir í málsvarnarlaun og málskostnað. Meira »

Húsnæði 365 sett á leigu

12:01 Fasteignafélagið Reitir hefur sett á leigu húsnæði að Skaftahlíð 24. Þetta kemur fram á heimasíðu fyrirtækisins. Húsin tvö, sem samtals eru um 5.000 fermetrar, hafa um nokkurt skeið hýst skrifstofur 365 miðla, sem rekið hafa Fréttablaðið, Vísi, Stöð 2 og fleiri miðla. Meira »

Slökktu í alelda bíl í Reykjavík

11:21 Á ellefta tímanum í morgun fékk slökkviliðið á höfuðborgarsvæðinu tilkynningu um eld í bíl að Blesugróf í Elliðaárdal í Reykjavík. Þegar slökkvilið kom á vettvang var bíllinn alelda og var slökkt í honum. Er bíllinn gjörónýtur eftir brunann. Meira »

„Þá vil ég heldur borga!“

10:43 Þegar Bruno Bisig kom fyrst til Íslands 1991 ferðaðist hann einn um landið á hjóli og fékk að njóta einveru á hálendinu. Í dag er hann forstjóri Kontiki reisen og kemur með ferðamenn til landsins. Hann segir áskorun fyrir Íslendinga að viðhalda náttúrudýrðinni við núverandi vinsældir. Meira »

Vilja geta takmarkað umferð

10:02 Ég fagna þessari umræðu sem loksins er farin af stað. Fólk gerir sér grein fyrir því að hreina loftið og hreina vatnið er ekki sjálfgefið. Staðan er ekki eins góð og við kannski héldum. Meira »

Kynjahlutföll ólögleg í ellefu tilvikum

09:30 Kynjahlutföll aðal- og varamanna í nefndum, ráðum og stjórnum Reykjavíkurborgar eru í ellefu tilvikum ekki í samræmi við 15. grein jafnréttislaga, þar sem segir að hlutfall annars kyns megi ekki vera minna en 40% þegar um fleiri en þrjá fulltrúa er að ræða. Meira »

Óvissa hjá starfsmönnum Spalar

08:55 Starfsmenn Spalar hafa staðið í bréfaskriftum við samgönguráðuneytið og óskað eftir svörum um hvað taki við þegar Spölur afhendir ríkinu Hvalfjarðargöng til eignar og rekstrar síðsumars 2018. Meira »

Upplýsingaskjáir settir upp á Hlemmi

08:20 Í leigusamningi um Mathöll á Hlemmi er ákveðið svæði innan mathallarinnar sérstaklega tekið frá til þess að Strætó geti komið upp upplýsingaskjám og jafnvel miðasjálfsölum. Meira »

Gul viðvörun á morgun

09:03 Veðurstofan hefur gefið út gula viðvörun á morgun á Suðurlandi og Suðvesturlandi. Gert er ráð fyrir staðbundnu óveðri með austan 23-28 m/s meðalvindi undir Eyjafjöllum, sunnan Mýrdalsjökuls og að Öræfum. Veðurfræðingur segir ekkert ferðaveður á þessu svæði á morgun. Meira »

Auglýsa eftir nýjum skólameistara

08:38 Stjórn Tækniskólans, skóla atvinnulífsins, hefur auglýst eftir nýjum skólameistara, en núverandi skólameistari er Jón B. Stefánsson. Er umsóknarfrestur til 9. febrúar. Meira »

Tvær líkamsárásir í nótt

07:45 Tvær aðskildar líkamsárásir áttu sér stað í miðborginni í nótt, en tveir eru í haldi vegna málanna. Í báðum tilfellum þurftu brotaþolar að leita sér læknisaðstoðar. Brotaþolarnir hlutu skurði og tannbrot í árásinni, ásamt minni háttar höfuðáverkum. Meira »

Börnin sem kerfið gleymdi

STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
Ford Transit árg 2007 9 manna
Ford Transit, 8 farþega. árgerð 2007 ek. 337.000 km. Hentar einnig sem leigubíl...
Borðstofuborð ásamt sex stólum frá Öndvegi / Heimahúsinu til sölu
Tilboð óskast í borðstofuborð með sex stólum frá Öndvegi / Heimahúsinu. Borðið e...
 
Félagsstarf aldraðra
Staður og stund
Aflagrandi 40 Opin vinnustofa kl. 9, jóg...
Fundur
Fundir - mannfagnaðir
Fulltrúaráð sjálfstæðisfélaganna...
Eldri borgarar
Staður og stund
Aflagrandi 40 Opin vinnustofa kl. 9 og b...
Ert þú skapandi
Sérfræðistörf
Ert þú SKAPANDI? Árvakur leitar eftir...