Flutningabíll fauk út af veginum norðan við Akureyri, í Kræklingahlíð, um hálf fimm leytið í nótt, að sögn varðstjóra í lögreglunni á Akureyri. Ökumaðurinn, sem var einn á ferð, slapp ómeiddur og ekki varð tjón á farmi bílsins.
Hvasst hefur verið fyrir norðan í nótt en það fór mest í 19 metra á sekúndu á Akureyri í hviðum. Aftur á móti er oft hvass vindur niður Glerárdalinn og því vindasamt í Kræklingahlíð þar sem óhappið varð í nótt.