„Svartfuglinn var sestur upp sunnudaginn 7. febrúar. Það er alveg viku fyrr en venjulega. Þá var allt í einu haugur af svartfugli á sjónum og svo fór ég að horfa upp í Ystaklett og þá sat hann á öllum syllum.“
Þannig mælir Georg Eiður Arnarson, skipstjóri á Blíðu VE í Vestmannaeyjum, í Morgunblaðinu í dag. Hann er lundakarl frá fornu fari og fylgist vel með náttúrunni.
Georg segir að venjulega kæmi loðnan um það bil viku seinna en svartfuglinn settist upp.