Mikilvægt fyrir lýðræðislega umræðu

Pétur Gunnlaugsson, útvarpsmaður og héraðsdómslögmaður, segir niðurstöðu Héraðsdóms Reykjavíkur í morgun þegar hann var sýknaður af kæru vegna meiðandi ummæla vera mikilvæga fyrir lýðræðislega umræðu.

Frétt mbl.is: Pétur sýknaður af meiðyrðakæru

Pétur vísar í forsendur dómarans í málinu en þar segir: „Í lýðræðissamfélagi verður almennt að gera ráð fyrir því að borgararnir séu sjálfir færir um að taka málefnalega afstöðu til ummæla sem falla í pólitískum deilum og það sé ekki lýðræðisþróun til framdráttar ef þátttakendum í slíkri umræðu er veitt of ríkt svigrúm til að draga pólitíska andstæðinga sína til refsi- og skaðabótaábyrgðar fyrir einstök ummæli.“

Pétur segir þetta vera afar mikilvægt í samfélagi okkar. „Við verðum að leggja þunga áherslu á að borgararnir í samfélaginu sem eru að ræða um þjóðmál beri ábyrgð á því að tala með málefnalegum hætti. Ég gerði það. Ég sagði allt satt og rétt frá, þannig að ég þarf ekkert að sjá neitt eftir því,“ segir hann. 

• 1 blogg um fréttina

Bloggað um fréttina

• Páll Vilhjálmsson: Umræðan, fyrir dómi og í kommentakerfum