Kostnaður við Söngvakeppni Sjónvarpsins nam 60 milljónum króna. Keppnin stóð undir sér með tekjum af miðasölu og auglýsingum. Þetta kemur fram í frétt á vef RÚV. Þar segir að um 200 manns hafi komið að útsendingu RÚV á laugardagskvöld þegar framlag Íslands í Eurovision var valið.

Í frétt RÚV er vísað í skriftlegt svar Skarphéðins Guðmundssonar, dagskrárstjóra RÚV sem segir að um 120 þúsund atkvæði hafi borist í báðum síma-atkvæðagreiðslunum á laugardagskvöld.

Að sögn Skarphéðins fór ríflega helmingur heildarkostnaðar í úrslitakvöldið á laugardag en inni í heildartölunni eru einnig undankeppnirnar tvær í Háskólabíó, umsýsla í kringum leitina að lögunum, framkvæmdin í kringum þau, verðlaunafé „og annað sem þurfti til að gera keppnina eins veglega og raun bar vitni.“

Í svari Skarphéðins kemur fram að öll áform hafi miðast út frá því að keppnin stæði undir sér þegar taldar yrðu á móti tekjur sem féllu til af viðburðinum. „Þær áætlanir gangi eftir og vel það enda hafi selst upp á bæði úrslitakvöldið og lokaæfinguna sem fram fór fyrr um daginn og einungis hafi örfáir miðar verið óseldir á undankeppnirnar tvær.“

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt