Áfram í farbanni vegna banaslyss

Héraðsdómur Suðurlands.
Héraðsdómur Suðurlands. mbl.is

Héraðsdómur Suðurlands hefur, að kröfu lögreglustjórans á Suðurlandi, úrskurðað kínverskan ríkisborgara til að sæta áframhaldandi farbanni til föstudagsins 22. apríl n.k.  

Maðurinn var ökumaður bifreiðar sem lenti í árekstri við aðra bifreið á einbreiðri brú yfir Hólá á þjóðvegi 1 í Skaftafellssýslu þann á öðrum degi jóla á síðasta ári.  Ökumaður þeirrar bifreiðar lést af áverkum sem hann hlaut við áreksturinn.

Ákæra gegn manninum hefur verið gefin út og var mál hans þingfest s.l. föstudag í héraðsdómi Suðurlands. 

Frétt mbl.is: Í farbann vegna banaslyss

mbl.is
Fleira áhugavert
Fleira áhugavert