Karlmaður er þungt haldinn eftir að hafa verið stunginn með hnífi utan við stúdentagarðana á Sæmundargötu um klukkan eitt í nótt.
Samkvæmt upplýsingum frá Landspítalanum er honum haldið sofandi í öndunarvél.
Sjónarvottur tjáði mbl.is í morgun að hann hefði séð tvo menn takast á fyrir utan stúdentagarða við Sæmundargötu áður en lögregla mætti á vettvang og að svo hefði virst sem mikið blæddi úr baki annars þeirra.
Gerandinn var handtekinn nokkru síðar og vistaður í fangaklefa vegna rannsóknar máls.
Sjá fréttir mbl.is:
Alvarleg hnífaárás við stúdentagarða
„Heyrðu strákur, það blæðir mjög mikið úr þér“