Birna Halldórsdóttir, sem er á bakvakt hjá Rauða krossi Íslands, segir það ekki enn komið í ljós hvort og þá hversu margir íbúar í nágrenni við Grettisgötu þurfa á gistingu að halda í nótt. Fjögurra manna viðbragðsteymi Rauða kross Íslands var kallað út vegna brunans á Grettisgötu í kvöld.

Hún segir að hlutverk viðbragðshópsins vera að aðstoða fólk sem yfirgefa þurfi heimili sín. Meðal úrræða viðbragðshópsins er að taka á móti því fólki sem er tímabundið heimilislaust í strætisvagni sem fylgir alltaf með þegar bruni verður. 

„Við aðstoðum þá sem eru ekki slasaðir en þurfa á aðstoð að halda,“ segir Birna en bætir við að ekki hafi þurft að kalla út áfallateymi Rauða krossins í kvöld.

Tengdar fréttir

Eldsvoði á Grettisgötu

BDSM skyndilega á allra vörum

• Dæmdur fyrir að afstýra ekki eldsvoða
• Brennuvargurinn talinn ósakhæfur
• Ákærðir fyrir bruna á Grettisgötu
• Heimilislausum nema synjað um íbúð

» Fleiri tengdar fréttir

• Blogga um frétt