Fá má nýju landsliðstreyjuna í knattspyrnu, sem kynnt var í síðustu viku, í kínversku netversluninni Ali Express.
Þar kostar treyjan 1.500 til 2.700 krónur, sem er talsvert lægra verð en hún er seld á hér á landi þar sem hún kostar um 12.000 krónur, að því er fram kemur í umfjöllun um mál þetta í Morgunblaðinu í dag.
„Auðvitað munum við skoða hvaða leiðir eru færar fyrir okkur í þessum efnum. En við hvetjum fólk til að fylgja þeim lögum og reglum sem gilda og kaupa ósvikna vöru frekar en eftirlíkingar,“ segir Klara Bjartmarz, framkvæmdastjóri KSÍ, um málið.