Píratar gegn þinglegri meðferð tillagna stjórnarskrárnefndar
Setja bókamerki
Píratar hafa hafnað tillögum stjórnarskrárnefndar í rafrænum kosningum og munu því ekki styðja þinglega meðferð þeirra. Helgi Hrafn Gunnarsson, þingmaður Pírata, staðfestir þetta í samtali við mbl.is.
„Þessar tillögur hafa lengi verið til umræðu hjá okkur Pírötum og settum við fram þá tillögu, í kosningakerfi okkar, að málið fengi þinglega meðferð, en því var hafnað,“ segir Helgi Hrafn, en flokkurinn hefur yfir að ráða rafrænu kosningakerfi til stefnumótunar.
Spurður hvað nú gerist í framhaldinu svarar hann: „Við þurfum að hittast og ræða betur hvað þetta þýðir nákvæmlega. En afstaða flokksins er sú að meirihluti þeirra sem tóku þátt í atkvæðagreiðslunni vill ekki að málið fái þinglega meðferð.“
Ásta Guðrún Helgadóttir, þingmaður Pírata, tekur í svipaðan streng og segir þingflokkinn nú þurfa að hittast til að ráða ráðum sínum. „Nú þurfum við bara að koma saman og ræða málin.“
„Það þarf að vinna mikinn fjölda upp“
Skemmtiferðaskip hætt komið nærri Viðey
Tveir í bílnum sem lenti utan vegar
Krefjast stöðvunar framkvæmda
Árshátíð ríkislögreglustjóra haldin í Tékklandi
Gígbarmurinn hækkað frá því í gær
Shakespeare fannst í skókassa