Króatíski skíðakappinn og einn tengdasona Íslands, Ivica Kostelic, hyggst koma til Íslands síðar í þessum mánuði og leggja í langferð á gönguskíðum þvert yfir landið.
„Ég ætla að nota ferðina til að hugsa. Hugsa um það hvað ég geri á næsta ári og hvort ég muni keppa aftur í heimsbikarnum,“ segir Kostelic í umfjöllun um mál þetta í Morgunblaðinu í dag.
Áætlað er að ferðin taki um 30 daga. Farið verður frá Melrakkasléttu 16 kílómetra norðan við Kópasker og endað fyrir utan Dómkirkjuna í Reykjavík að sögn Kostelic.