Einn heppinn spilari var með allar tölur réttar í útdrætti kvöldsins í lottóinu. Hann nældi sér þar með í allan pottinn og fær rúmlega 14,7 milljónir króna í vinning. Miðinn var seldur í Skerjakollu á Kópaskeri.
Þá voru tveir með fjórar réttar tölur í Jókernum og fá þeir hundrað þúsund krónur í vasann. Annar miðinn var keyptur í Happahúsinu í Kringlunni en hinn er í áskrift.