Slökkvilið höfuðborgarsvæðisins var í kvöld kallað út vegna elds í íbúð í Krummahólum í Breiðholti í Reykjavík.
Að sögn slökkviliðsins er eldurinn bundinn við eina íbúð en ekki liggur fyrir að öðru leyti hversu mikill bruninn er. Slökkviliðið hefur nú verið að störfum þar í um 20 mínútur.
Uppfært 20:44
Búið er að ráða niðurlögum eldsins. Einn slökkvibíll er enn á staðnum og er verið að vinna að frágangi. Orsök eldsins liggur ekki fyrir, né umfang skemmda.