„Þá skellur þessi höggbylgja á lestinni“

Frá rýmingu lestarinnar eftir sprenginguna í morgun.
Frá rýmingu lestarinnar eftir sprenginguna í morgun. Ljósmynd/Leifur Arnkell Skarphéðinsson

Aðeins sekúndum munaði að lestarvagn Leifs Arnkels Skarphéðinssonar hefði verið við brautarpall Maelbeek-lestarstöðvarinnar þegar sprengja sprakk þar í morgun og tugir manna létu lífið.

Leifur er lögfræðingur hjá fjármála- og efnahagsráðuneytinu og átti bókaðan fund hjá framkvæmdastjórn ESB í morgun. Var hann í lest á leið til Schuman-jarðlestarstöðvarinnar, sem er sú næsta á eftir Maalbeek-stöðinni þar sem sprengjan sprakk í morgun.

„Við vorum rétt ókomin á Maelbeek þegar sprengingin varð og þá skellur þessi höggbylgja á lestinni. Við finnum strax megna brennisteinslykt og mikill reykur kemur inn í lestina. Það stoppaði náttúrulega allt. Lestarstjórinn hélt að vísu aðeins áfram áður en hann stöðvaði lestina. Hann hefur væntanlega verið í losti,“ segir Leifur í samtali við mbl.is.

Framendi lestarinnar átti þá aðeins tuttugu til þrjátíu sekúndur eftir fram að brautarpalli Maelbeek.

„Ég tók lestina frá Central-stöðinni og kannski var það bara heppni að það var einhver töf þar í tvær mínútur. Annars hefði maður líklega verið þarna akkúrat þegar sprengingin verður.“

Leifur segir að sprengjan hafi líklega sprungið niðri í stöðinni, nálægt teinunum. Höggbylgjan hafi verið svo öflug.

Leifur var á leið á lestarstöðina Schuman sem sést til ...
Leifur var á leið á lestarstöðina Schuman sem sést til hægri á kortinu. Herinn leiddi hann og aðra farþega hins vegar aftur til baka frá Maelbeek og upp um lestarstöðina Arts-Loi.

Farþegarnir felmtri slegnir

„Lestarstjórinn kemur svo út úr stýriklefanum og setur í gang svona sjálfvirka rödd sem lætur vita að það hafi eitthvað atvik átt sér stað á teinunum. „Afsakið ónæðið en við erum að vinna í þessu.“ Svona staðlaða bilunartilkynningu.“

Tilkynningin dugði skammt þar sem skelfing greip um sig í lestarvagninum eftir sprenginguna.

„Fólk hélt kannski að það væri kviknað í. Það áttuðu sig að minnsta kosti allir á því að það hefði orðið sprenging fyrir framan lestina. Þetta gat eiginlega ekki verið neitt annað, höggið var það þungt.

Þegar reykurinn kemur inn í vagninn og lyktin sömuleiðis þá grípur um sig mikil skelfing og margir fara hreinlega að gráta.“

Ennþá var þó rafmagn á teinunum og því nutu lestarfarþegar ljóss á meðan á þessu stóð.

„Svo er ekki alls staðar símasamband í jarðlestarkerfinu en heppilega var samband á þessum stað svo maður gat sent tilkynningar heim um að það væri allt í lagi með mann. Auðvitað fór ég strax í símann og hringdi í kærustuna og lét foreldrana og vini vita.“

Farþegarnir voru leiddir af hermönnum um lestargöngin og að næstu ...
Farþegarnir voru leiddir af hermönnum um lestargöngin og að næstu stöð á undan Maelbeek. Ljósmynd/Leifur Arnkell Skarphéðinsson

Hermenn koma til bjargar í göngunum

„Við erum læst þarna niðri í örugglega korter eða tuttugu mínútur. Þá koma hermenn og við erum leidd út úr lestinni að aftanverðu. Við göngum svo alla leið á teinunum að Arts-Loi stöðinni. Það var lykt og reykur í göngunum en góð lýsing svo við sáum alveg hvert við vorum að fara.

Þegar við komum loks á Arts-Loi þá eru þar lögreglumenn í hrönnum með byssur sem leiða okkur upp og út þar. Það er allt í reyk þar líka svo sprengingin hefur verið stór og öflug. Reykurinn var kominn þarna út um allt.“

Leifur segir að þetta hafi vissulega tekið á.

„Auðvitað kemur spennufallið ekki fyrr en maður er kominn upp úr göngunum. Herinn er þar með bíl og vélbyssur og búinn að girða svæðið af og þá fannst manni maður vera öruggur.“

Við komuna á Arts-Loi, þar sem fyrir utan stóðu hermenn ...
Við komuna á Arts-Loi, þar sem fyrir utan stóðu hermenn með vélbyssur og bíla. Ljósmynd/Leifur Arnkell Skarphéðinsson

Vissi af sprengingum á flugvellinum

Leifur segir að góður vinur sinn hafi hringt í sig þegar hann var á leið niður í lestina. Hann hafi sagt honum frá sprengingunum sem þá höfðu nýlega átt sér stað á flugvelli borgarinnar.

„Þess vegna vissi maður strax, um leið og höggbylgjan skall á manni, hvað þetta væri.“

Spurður hvort honum hafi þá þótt skárra að hafa vitað af sprengingunum á flugvellinum segir hann að svo hafi örugglega verið.

„Annars hefði maður kannski haldið að það væri kviknað í þarna og það hefði verið örugglega miklu hættulegra, fyrst maður slapp við sjálfa sprenginguna.

Hvort þetta hefur verið lestin á undan minni sem sprakk eða lestin á leiðinni í hina áttina, það veit ég ekki. Ég er búinn að sjá myndir í belgískum miðlum af lestarvagni sem er í tætlum og sjálfsmorðssprengjumaðurinn hefur væntanlega verið rétt fyrir utan lestina á brautarpallinum þegar hann sprengir sig,“ segir Leifur.

„Nú er maður kominn upp á hótel og næsta verkefni er að reyna að koma sér heim.“

Leifur Arnkell Skarphéðinsson
Leifur Arnkell Skarphéðinsson
mbl.is

Innlent »

Stórt skilti hangir á bláþræði

21:01 Lögreglan og björgunarsveit voru kölluð að hótelinu Hlemmur Square fyrr í kvöld vegna þess að stórt skilti hangir á bláþræði framan á húsinu í óveðrinu sem núna gengur yfir höfuðborgarsvæðið. Meira »

Mikið um vatnsleka vegna veðurs

20:31 Slökkviliðið á höfuðborgarsvæðinu á í nógu að snúast með að sinna útköllum vegna vatnstjóns. Mikil úrkoma og klaki yfir niðurföllum veldur því að mikill vatnsflaumur hefur myndast víða. Meira »

Lífið er íslenskur saltfiskur

20:07 Matreiðslumeistararnir Guillem Rofes, Jordi Asensio og Francisco Diago Curto frá Barcelona urðu hlutskarpastir í keppninni Islandia al Plat, sem Íslandsstofa hélt þar í borg í tengslum við kynningu á íslenskum saltfiski í haust sem leið. Meira »

Bragi sóttist sjálfur eftir breytingu

20:00 Ársleyfi Braga Guðbrandssonar, forstjóra Barnaverndarstofu, frá stofnuninni tengist ekki kvörtunum frá barna­vernd­ar­nefnd­um höfuðborg­ar­svæðis­ins í hans garð. Hann sóttist sjálfur eftir breytingu í starfi. Meira »

Hönnunarverkfræðingur gerðist jógakennari

19:19 Sæunn Rut Sævarsdóttir býr ásamt breskum kærasta sínum í litlum bæ rétt utan við Oxford í Bretlandi. Þar kennir hún jóga en hún á að baki jógakennaranám í Vinyasa Flow frá Yoga London. Að kenna jóga var þó ekki alltaf ætlunin en ýmislegt æxlaðist öðruvísi en til stóð í upphafi. Meira »

Segir þjónustu við vogunarsjóði í 1. sæti

19:09 Sigmundur Davíð Gunnlaugsson, formaður Miðflokksins, segir að þjónusta við vogunarsjóði sé sett í 1. sæti hjá íslenskum stjórnvöldum. Meira »

Sjúkratryggingar segja ekki upp samningum

18:24 Sjúkratryggingar Íslands ætla ekki að segja upp rammasamningum við sérgreinalækna og sjúkraþjálfara þar til velferðarráðuneytið hefur tekið afstöðu til tillagna um nauðsynlegar aðhaldsaðgerðir. Þetta er gert að beiðni Svandísar Svavarsdóttur heilbrigðisráðherra. Meira »

Þungar og óviðunandi vikur

18:49 „Síðustu vikur hafa verið þungar undir fæti hjá okkur og óviðunandi á stundum,“ segir Páll Matthíasson, forstjóri Landspítalans, í vikulegum forstjórapistli sínum. Meira »

Fann 400 kannabisplöntur í Kópavogi

18:22 Lögreglan á höfuðborgarsvæðinu hefur að undanförnu stöðvað kannabisræktun á nokkrum stöðum í umdæminu, en í þeirri stærstu var lagt hald á nærri 400 kannabisplöntur. Meira »

Svandís tekur við málum af Guðmundi

18:13 Katrín Jakobsdóttir forsætisráðherra ætlar að bera það upp við forseta Íslands að Svandís Svavarsdóttir heilbrigðisráðherra taki við fjórum málum af Guðmundi Inga Guðbrandssyni umhverfisráðherra. Meira »

Gylfi áfram í peningastefnunefnd

17:57 Forsætisráðherra hefur endurskipað dr. Gylfa Zoëga, prófessor í hagfræði við Háskóla Íslands, fulltrúa í peningastefnunefnd Seðlabanka Íslands samkvæmt ákvæði í lögum nr. 36/2001, um Seðlabanka Íslands. Meira »

Tekur yfir eignir United Silicon

17:29 Samkomulag hefur náðst á milli skiptastjóra þrotabús United Silicon og Arion banka um að bankinn fái að ganga að sínum veðum og taka yfir allar helstu eignir félagsins. Meira »

Sendibíll valt á Breiðholtsbraut

17:19 Sendibíll valt á Breiðholtsbraut fyrir skömmu. Ljósmyndari mbl.is var á ferðinni en ekki var lokað fyrir umferð vegna óhappsins. Bifreiðin liggur á hliðinni á umferðareyju. Meira »

Andlát: Ólöf Pálsdóttir myndhöggvari

16:32 Ólöf Pálsdóttir myndhöggvari, heiðursfélagi í Konunglega breska myndhöggvarafélaginu, lést síðastliðinn miðvikudag, 21. febrúar, 97 ára að aldri. Meira »

Hætta á skriðuföllum

15:58 Veðurstofan varar við því að aukin hætta er á skriðuföllum vestan frá Eyjafjöllum og austur á Austfirði vegna mikillar úrkomu. Vonskuveður gengur yfir allt landið í dag og kvöld en spár gera ráð fyrir roki og rigningu um nánast allt land. Meira »

Vindorkuver rísi ekki á verndarsvæðum

16:40 Ekki á að reisa vindorkuvirkjanir á verndarsvæðum eða öðrum sambærilegum svæðum, jafnvel þó að þau njóti ekki verndar samkvæmt lögum. Þetta er mat Landverndar sem telur raunar þörfina fyrir vindorkuvirkjanir ekki vera jafnaðkallandi á Íslandi og víða annars staðar. Meira »

Bálhvasst við Höfða

16:16 Það er farið að blása hressilega á höfuðborgarsvæðinu en enn ein lægðin í febrúar gengur yfir landið síðdegis og í kvöld. Vegfarendur áttu fótum sínum fjör að launa við Höfðatorg þegar ljósmyndara bar þar að garði nú fyrir stundu. Meira »

Skiptu um sæti eftir fíkniefnaakstur

15:34 Landsréttur staðfesti í dag dóm héraðsdóms um að svipta karlmann á fertugsaldri ökurétti ævilangt og að hann skuli sæta fangelsi í 15 mánuði. Stöðvaði lögreglan manninn á Reykjavíkurvegi í apríl 2016, en þá höfðu lögreglumenn mætt bílnum og strax þekkt ökumanninn. Meira »
"Lítil" og gömul ritvél með @ óskast
Áttu svoleiðis vél í dóti sem er í góðu lagi? Sendu mér þá tölvupóst á: hagbokh...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
START/BYRJA: 2018 5/3, 2/4, 30/4, 28/5, 25/6, 23/7, 3/9, 1/10, 29/10, 26/11: 4...
 
Aðalfundur
Fundir - mannfagnaðir
Félag sjálfstæðismanna í Skóga- o...
L edda 6018022019 i
Félagsstarf
? EDDA 6018022019 I Mynd af auglýsin...
Aflamark
Tilkynningar
??????? ??????????????? ? ??? ?? ????...
Félagsstarf
Staður og stund
Aflagrandi 40 Opin vinnustofa frá kl. 9,...