Kveikt í á báðum stöðum

Allt tiltækt lið slökkviliðsins var að störfum í Gyðufelli 10 og Iðufelli 4 en kveikt var í á báðum stöðum með stuttu millibili um tvö leytið í dag. Töluverðar skemmdir eru í stigagangi beggja fjölbýlishúsanna. Að sögn varðstjóra í slökkviliði höfuðborgarsvæðisins leikur enginn vafi á að kveikt hafi verið í á báðum stöðum. 

Reykræstingu er lokið í Gyðufelli og slökkviliðið er að ljúka störfum í Iðufelli. Ljóst er að skemmdirnar eru töluverðar, bæði vegna elds og reyks.