Svartþröstur var búinn að verpa fjórum eggjum í hreiður í Garðabæ á annan dag páska.
Snævarr Örn Georgsson sá hreiðrið fyrst á pálmasunnudag, 20. mars. Það var þá fóðrað og tilbúið, en tómt.
„Þeir verpa venjulega einu eggi á sólarhring þar til þeir eru fullorpnir og þá leggjast þeir á,“ segir Snævarr í Morgunblaðinu í dag. Svartþrösturinn verpur 3-5 eggjum, samkvæmt fuglavef Námsgagnastofnunar. Snævarr segir að svartþrösturinn verpi gjarnan snemma.