Framkvæmdir við Grensásveg hafnar
Setja bókamerki
Framkvæmdir við þrengingu Grensásvegar eru nýhafnar en þeim á að ljúka í haust. Magnea Guðmundsdóttir, fulltrúi Bjartrar framtíðar í umhverfis- og skipulagsráði borgarinnar, segir að aldrei hafi komið til greina að hætta við þrengingu vegarins þrátt fyrir að mótbárur hafi komið fram, m.a. frá sjálfstæðismönnum í borgarráði.
„Eftir að þetta var samþykkt stóðum við alltaf með þessu verkefni, enda er það hluti af miklu stærra samhengi sem snýst um hjólreiðaáætlun. Það er eitt af mikilvægustu málunum á þessu kjörtímabili hjá umhverfis- og skipulagsráði,“ segir Magnea.
„Við gáfum okkur mjög góðan tíma í að skoða þrengingu Grensásvegar í fyrra. Það er líka mikilvægt að það komi fram að íbúar í hverfinu kölluðu eftir þessu. Allar áætlanir varðandi talningar sýna að þetta er alltof breið gata fyrir svona litla umferð. Við ætlum að planta trjám þarna og gera þetta að betra umhverfi að mörgu leyti,“ bætir hún við.
Fara ekki lengur fram á einangrun yfir Davíð
Áverkar bentu til manndráps
Lögreglan rannsakar andlát konu í fjölbýlishúsi
Katrín: Jóhönnustjórnin talaði máli Íslands
Fiskikóngurinn: „Mér fannst sárt að heyra það“
Áköf mótmæli í bandarískum háskólum